უკან

უახლესი ამბები

დღის კალენდარი

ანონსები

არქივი

პოლიტიკა

26 სექტემბერი, 2017 16:25
font-size

ძალიან ცუდად მოგიტრიალდებათ დღევანდელი დღე - ენმ-მა პარლამენტის სხდომა დატოვა

პარლამენტის სხდომა „ევროპული საქართველოს“ შემდეგ „ერთიანმა ნაციონალურმა მოძრაობამაც“ დატოვა. ამის შესახებ ენმ-ის ლიდერმა ნიკა მელიამ განაცხადა.

წასვლის წინ მელიამ განუცხადა საპარლამენტო უმრავლესობას, რომ ამ კონსტიტუციის მიღება მათ ცუდად მიუბრუნდებათ.

მელიას მტკიცებით, ახალი კონსტიტუცია აყალიბებს დიქტატორულ რეჟიმს.

„დანამდვილებით ვხედავ თქვენს უახლოეს მომავალს; დანამდვილებით ვხედავ, როგორ გაფაციცებით მიეტმასნება ზოგიერთი მომდევნო ხელისუფლებას, მიეკედლება და ეტყვის, გვიშველეთო. იცით რატომ? იმიტომ რომ დღეს ამ საკონსტიტუციო პროცესით სათავე დაუდეთ ძალიან შეუქცევად და მტკივნეულ პროცესს, რომელიც ბუმერანგივით მოგიტრიალდებათ თქვენ უკან.

თქვენ ამ საკონსტიტუციო პროცესით დაადასტურეთ, რომ ამ პროცესში ხართ მარტო. არცერთი მოკავშირე თქვენ არ გყავთ. და რაც არ უნდა ილაპარაკოს ქალბატონმა ეკა ბესელიამ, რომ აქაც არ არის ჩემი ტანი და თავიო, თქვენი ტანია, თქვენ იღებთ ამ კონსტიტუციას ისე, რომ არცერთი პოლიტიკური მოკავშირე არ გყავთ, არცერთი საზოგადოებრივი ჯგუფი არ გყავთ მოკავშირედ, არცერთი საერთაშორისო ორგანიზაცია. რატომ საუბრობთ, თუ რა იყო უწინ, წლების წინ? დღეს ერთი მოკავშირეც არ გყავთ, ფაქტია.

თქვენ რეალურად აკანონებთ დიქტატორულ და კლანურ კონსტიტუციას. თქვენ ართმევთ საქართველოს მოქალაქეებს უფლებას, რომ მომდევნო წლებში გადაირჩიონ ხელისუფლება.

არ არსებობს კონსტიტუციის გარშემო ელემენტარული თანხმობაც, კონსესუსის არანაირი ნიშან-წყალიც არ არსებობს.

თქვენ შორისაა თანხმობა და არა საზოგადოებრივ ჯგუფებს შორის, ამიტომ მართლა გულწრფელად გეუბნებით, ადრეც გამიმეორებია და დაგპირდით, ყოველთვის გაგიმეორებთ, ის, რომ თქვენ დღეს აქ ბევრნი ხართ, ამან შეცდომაში შეგიყვანათ და გგონიათ, რომ უმრავლესობაში ხართ ამ დარბაზის მიღმა.

ძალიან ცუდად მოგიტრიალდებათ დღევანდელი დღე, იმიტომ რომ, რაც არ უნდა გულზე მჯიღი ირტყათ, ბატონი ოქრიაშვილი, რომელიც იჯდა და ხელს ყველაფერზე წევდა ნაციონალური მოძრაობის რიგებიდან და დღეს თქვენ გყავთ და დღესაც ყველაფერს აკეთებს და ხელებს სწევს, პირველი იქნება, ვინც გიღალატებთ . ყოფილი ნაციონალური მოძრაობის ადამიანებს ვესაუბრები, რომლებიც, ქალბატონო ეკა, თქვენს რიგებშია. და ეს ადამიანი ოქრიაშვილი არის კრისტალი, ხოლო ჩემი პოლიტიკური გუნდის წევრი არის დამნაშავე? ღმერთმა გაგიმარჯოთ, არ შეგიშლით ხელს, არ დაგირღვევთ იდილიას“, - განაცხადა მელიამ.

სხდომა 2 საათზე დაიწყო. დღეს მესამე მოსმენით კენჭი უნდა უყარონ საკონსტოტუციო ცვლილებათა კანონპროექტს.

ანა მებურიშვილი

მეთიუ ბრაიზაც კი ვერ მალავს საფრთხეებს, რომელიც რასმუსენის იდეის უკან დგას - ნინო ბურჯანაძე

18 ოქტომბერი, 2019 , 14:15

მეთიუ ბრაიზა კვლავ აცოცხლებს ნატო-ს ყოფილი გენერალური მდივნის, რასმუსენის იმ იდეას, რომელიც კვიპროსის მოდელით საქართველოს ნატო-ში გაწევრიანებას გულისხმობს, - ასე პასუხობს “ერთიანი საქართველო-დემოკრატიული მოძრაობის"

სალომე ზურაბიშვილი საქართველოში გაერო-ს წარმომადგენლობას შეხვდა

17 ოქტომბერი, 2019 , 16:30

საქართველოს პრეზიდენტი სალომე ზურაბიშვილი, გაერო-ს კვირეულთან დაკავშირებით, საქართველოში გაერო-ს წარმომადგენლობას შეხვდა. პრეზიდენტის ადმინისტრაციის პრესსამსახურის ინფორმაციით, შეხვედრაზე, რომელსაც გაერო-ს მუდმივი კოორდი

შეხვედრა იყო დროული, საჭირო, აქტუალური - დავით ზალკალიანი ლავროვთან შეხვედრაზე

17 ოქტომბერი, 2019 , 16:00

“როგორც მაშინ, ისე დღესაც, ვიყავი და ვარ დარწმუნებული, რომ ეს შეხვედრა იყო დროული, საჭირო და აქტუალური“, - განაცხადა საქართველოს საგარეო საქმეთა მინისტრმა დავით ზალკალიანმა პარლამენტში სამთავრობო საათზე, გაერ

ჩვენს უკან დგას ქვეყანა, რომლისთვისაც მნიშვნელოვანია მშვიდობა, სტაბილურობა, განვითარება - დავით ზალკალიანი

17 ოქტომბერი, 2019 , 15:00

“მსურს ჩემი ქვეყნის მოსახლეობისთვის საგარეო უწყება და პირადად მე ვიყო მინისტრი, რომელიც მათ ოჯახებში მოიტანს მშვიდობას და არა შეიარაღებულ კონფრონტაციას, სტაბილურობას და არა ესკალაციის მუდმივ საფრთხეს, გააზრებულ ნაბ

პარლამენტში დღეს დავით ზალკალიანს მოუსმენენ

17 ოქტომბერი, 2019 , 10:30

დღეს, პარლამენტში “მინისტრის საათის” ფორმატში საქართველოს საგარეო საქმეთა მინისტრ დავით ზალკალიანს მოუსმენენ. „მინისტრის საათი“ ახალი რეგლამენტით განსაზღვრული ფორმატია, რომელიც პარლამენტის პლენარუ

2019 წლის სახელმწიფო ბიუჯეტის პროექტში დეფიციტის და მთავრობის ვალის მოცულობა, საერთაშორისო სტანდარტებს შეესაბამება - ირაკლი კოვზანაძე

16 ოქტომბერი, 2019 , 17:30

2019 წლის სახელმწიფო ბიუჯეტის პროექტში დეფიციტის და მთავრობის ვალის მოცულობა, საერთაშორისო სტანდარტებს შეესაბამება. ამის შესახებ საქართველოს პარლამენტის პლენარულ სესიაზე 2019 წლის სახელმწიფო ბიუჯეტში ცვლილებებზე საუბრის