პოლიტიკა

ძალიან ვწუხვარ და მე ვითხოვ განმარტებას პაატა ბურჭულაძისგან, რასთან გვაქვს საქმე - გიორგი ვაშაძე

გაერთიანებული ოპოზიციის ერთ-ერთმა ლიდერმა გიორგი ვაშაძემ პაატა ბურჭულაძისგან განმარტების გაკეთება მოითხოვა, რითიც გამოეხმაურა პაატა ბურჭულაძის მონაწილეობას სანქტ-პეტერბურგში ჩატარებულ კონცერტზე, რომელსაც რუსეთის პრეზიდენტი ვლადიმერ პუტინი დაესწრო

„ძალიან სამწუხაროა ჩემთვის ეს ფაქტი. ძალიან ვწუხვარ და, პირდაპირ გეტყვით, რომ ჩემთვის მსგავსი რამ ყოველთვის მიუღებელია -პოლიტიკური აქტივობა და მეორე მხრივ, პუტინის თავდასწრებით სიმღერა. ძალიან ვწუხვარ და მე ვითხოვ განმარტებას მათ შორის, მისი მხრიდან, რასთან გვაქვს საქმე“, -აღნიშნა ვაშაძემ.

15 დეკემბერს რუსეთის ქალაქ სანქტ-პეტერბურგში დირიჟორ იური ტემირკანოვისადმი მიძღვნილი კონცერტი გაიმართა. კონცერტზე პაატა ბურჭულაძემ იმღერა. მან ოპერა „დაისიდან“ ცანგალას სიმღერა „ღვინოვ კახურო“ შეასრულა. ღონისძიებას რუსეთის პრეზიდენტი, ვლადიმერ პუტინიც ესწრებოდა, რომელიც იუბილეზე სიტყვით გამოვიდა.