უკან

უახლესი ამბები

დღის კალენდარი

ანონსები

არქივი

რეგიონები

12 ივნისი, 2017 17:40
font-size

ძლიერმა წვიმამ სამეგრელო-ზემო სვანეთის მუნიციპალიტეტებში პრობლემები შექმნა

კოკისპირულმა წვიმამ სამეგრელო-ზემო სვანეთის რამდენიმე მუნიციპალიტეტში პრობლემები შექმნა. ადიდებულმა მდინარეებმა საკარმიდამო ნაკვეთები და სავარგულები დატბორეს.

ხობის მუნიციპალიტეტში, ადიდებულმა მდინარე ხობმა, მოსახლეობის საკარმიდამო ნაკვეთები და სავარგულები დატბორა. ადიდებულმა წყალმა სათვირთო მანქანა მიიტაცა. მძღოლის გადარჩენა სამაშველო სამსახურის დახმარებით მოხერხდა. არსებულ ვითარებას სამეგრელო-ზემო სვანეთის გუბერნატორი და მუნიციპალიტეტის გამგებელი ადგილზე გაეცნენ. ლევან შონიამ მაშველებს გაწეული რთული სამუშაოსთვის მადლობა გადაუხადა.

ჩხორწყუს მუნიციპალიტეტში კი ადიდებულმა მდინარეებმა და ღელეებმა შიდა საუბნო გზები ჩამორეცხეს. სოფელ ნაკიანში, რამდენიმე ადგილას მეწყერია ჩამოწოლილი, რის გამოც სოფლის ცენტრალურ გზაზე მოძრაობა შეზღუდულია. ამ წუთებში მიმდინარეობს გზის გაწმენდითი სამუშაოები.

მდინარე ,,ზანას" ადიდების გამო მწყობრიდანაა გამოსული ჩხოროწყუ-ახუთის დამაკავშირებელი საავტომობილო ხიდი. ამ დროისთვის, ამ მონაკვეთზე მოძრაობა აკრძალულია.

გამგებელი დათო გოგუა, შესაბამისი სამსახურების წარმომადგენლებთან ერთად, დილიდან იმყოფება სტიქიის ზონაში და ეცნობა შექმნილ ვითარებას.

ძლიერმა წვიმამ პრობლემები შექმნა წალენჯიხის მუნიციპალიტეტშიც, ფახულანის ადმინისტრაციული ერთეულის ქალაღალის უბანში, შიდა გზა დაიმეწყრა. ადიდებულმა ღელემ სოფელ ობუჯში ხიდბოგირი დააზიანა და სავარგულები დატბორა, საკარმიდამო ნაკვეთები დაიტბორა სოფელ ლიაშიც, ადიდებულმა მდინარემ კი სოფელ ნაგურუში გაბიონები დააზიანა.

ზუგდიდის მუნიციპალიტეტის 6 სოფელში ძლიერი წვიმის გამო შიდა გზები ჩამოირეცხა. სოფელ ჭითაწყარში არსებულმა სანიაღვრეებმა ვერ გაატარეს უხვი ნალექი, რის გამოც მიმდებარე ტერიტორია დაიტბორა. ჭითაწყარში სანიაღვრე სისტემის მოწყობა მიმდინარეობს. პრობლემურ ადგილებზე დილიდან იმყოფებიან ზუგდიდის გამგებლის მოადგილეები. ამ დროისთვის დაზიანებულ გზებზე გაწმენდითი სამუშაოები მიმდინარეობს.

უხვი ნალექის შედეგად კერძო სახლების ეზოები და მიმდებარე ტერიტორია დაიტბორა ქალაქ ზუგდიდშიც. ქალაქის მერი ირაკლი გოგოხია და ვიცე-მერი გია გულორდავა დილიდანვე პრობლემურ ადგილებში იმყოფებოდნენ.

სამეგრელო-ზემო სვანეთის მხარეში სახელმწიფო რწმუნებულის-გუბერნატორის ადმინისტრაციის პრესსამსახურის ინფორმაციით, უხვი ნალექის გამო საკარმიდანო ნაკვეთები და სავარგულები დაიტბორა მარტვილის მუნიციპალიტეტის სოფელ ტალერშიც.

ამ დროისთვის ჩხოროწყუს მუნიციპალიტეტის ოთხ ხოფელს, ასევე წალენჯიხის სოფელ ეწერის და მარტვილის სოფელ კურზუს აბონენტთა ნაწილს ელექტრო ენერგია არ მიეწოდება. დაზიანებულ კერებზე „ენერგო-პრო ჯორჯიას“ მობილური ჯგუფები აღდგენით სამუშაოებს აწარმოებენ, მათივე ინფორმაციით, ელექტრომომარაგება დღის ბოლომდე აღდგება.

ყველა პრობლემურ მუნიციპალიტეტში მუშაობს ზარალის დამთვლელი სპეციალური კომისია.

სოფელ საყავრესთან ხანძრის სრული ჩაქრობა ვერ ხერხდება

24 აგვისტო, 2019 , 11:25

გორის მუნიციპალიტეტის სოფელ საყავრესთან ხანძარი ლოკალიზებულია, თუმცა მისი სრული ჩაქრობა უკვე მესამე დღეა, ვერ ხერხდება. ამის შესახებ საქართველოს პირველი არხი იტყობინება. დღეს დილიდან ხანძრის სალიკვიდაციო სამუშაოებში სასა

ყვარელში, ტყეში ხანძრის ქრობის სამუშაოებში ვერტმფრენი ჩაერთო

24 აგვისტო, 2019 , 10:55

ყვარლის მუნიციპალიტეტის სოფელ ახალსოფლის ტყეში ხანძრის ჩასაქრობად დილიდან ვერტმფრენი ჩაერთო. როგორც საგანგებო სიტუაციების მართვის სამსახურში აცხადებენ, ხანძრის ქრობის სამუშაოებში ჩართულია ასევე დამატებითი ძალა. შეგახსენე

სოფელ საყავრეში ხანძარი ლოკალიზებულია

23 აგვისტო, 2019 , 14:20

შინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველებმა, სასაზღვრო პოლიციის სამი ვერტმფრენის დამხარებით ტყის ხანძრის ლოკალიზება შეძლეს. უწყების ინფორმაციით, ამ დროისთვის შიდა ქართლში, გორ

ფინანსთა მინისტრის მოადგილე გიორგი კაკაურიძე ონის მუნიციპალიტეტის სოფლების მოსახლეობას შეხვდა

23 აგვისტო, 2019 , 12:40

მომავალი წლის ბიუჯეტის დაგეგმვისა და მუნიციპალიტეტებისთვის აქტუალური საკითხების მოგვარების მიზნით, მთელი ქვეყნის მასშტაბით გრძელდება სამუშაო შეხვედრები მოსახლეობასთან, რომელშიც აქტიურად მონაწილეობენ ფინანსთა სამინისტროს

სახელწმიფო ყველაფერს აკეთებს, რომ როგორც მწარმოებლებს, ისე მევენახეებს მოსავლის რეალიზაციის პრობლემები არ შეექმნათ - ლევან დავითაშვილი

23 აგვისტო, 2019 , 11:30

საქართველოს გარემოს დაცვისა და სოფლის მეურნეობის მინისტრმა, ლევან დავითაშვილმა 2019 წლის რთველის საორგანიზაციო საკითხები ღვინის ინდუსტრიის წარმომადგენლებთან შეხვედრაზე განიხილა. „წლიდან წლამდე, რთველის მასშტაბი იზრ

სოფელ საყავრესთან ტყის ხანძარის ქრობის სამუშაოებში მესამე ვერტმფრენი ჩაერთო

23 აგვისტო, 2019 , 11:30

შიდა ქართლში, გორის მუნიციპალიტეტში, სოფელ საყავრესთან ტყის მასივში გაჩენილი ხანძრის ქრობის სამუშაოები მეორე დღეა აქტიურად მიმდინარეობს. მთელი ღამის განმავლობაში ადგილზე უწყვეტ რეჟიმში მუშაობდა თბილისის, შიდა ქართლის, იმ

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს