კომენტარი

ეს არის პოლიტიკური კორუფცია: რომან გოცირიძე - ნოზაძე- ჟორჟოლიანის ინიციატივაზე

საპარლამენტო ფრაქცია „ერთიანი ნაციონალური მოძრაობის“ ლიდერი 3%-ანი საარჩევნო ბარიერ გადალახული პარტიების შესაძლო დაფინანსების ინიციატივას გამოეხმაურა.

რომან გოცირიძის თქმით,ეს არის პოლიტიკური კორუფცია.

„ეს არის პოლიტიკური კორუფცია. შეუძლებელია, რომ ერთი ან ორი მაჟორიტარის გაყვანით პარტიამ მიიღოს დაფინანსება იმდენი, რამდენსაც ღებულობს კვალიფიციური სუბიექტი. 3% მოსახლეობის არის საკმაოდ დიდი რიცხვი და ლოგიკური იყო, რომ დაფინანსების რაღაც ზღვარი დაწესებულიყო. ეს მეთოდი კი, არის პირდაპირ უმრავლესობის მიერ პოლიტიკური პარტიის მოსყიდვის ფორმა ხალხის ფულით“,-განმარტა გოცირიძემ.

სიმონ ნოზაძისა და გია ჟორჟოლიანის საკანონმდებლო ინიციატივის მიხედვით, ბიუჯეტიდან დაფინანსების მიმღები ე.წ. კვალიფიციური სუბიექტი შესაძლოა ისეთი პარტიაც გახდეს, რომელიც არჩევნებში ამ მიმართულებით დადგენილ 3%-იან ბარიერს ვერ გადალახავს, მაგრამ რომლის წარმომადგენელიც პარლამენტში მოხვდება და ფრაქციის ფორმირებას შეძლებს.

მონიკა დავლიანიძე