პოლიტიკა

ეს რუსეთის მხრიდან გამოხატული კიდევ ერთი აგრესიაა, იმედია, სიტუაცია ესკალაციის გარეშე განიმუხტება - სოფიო ქაცარავა

საქართველოს პარლამენტის საგარეო ურთიერთობათა კომიტეტის თავმჯდომარის, სოფო კილაძის შეფასებით, ქერჩის სრუტეში განვითარებული მოვლენები რუსეთის მხრიდან გამოხატული კიდევ ერთი აგრესიაა.

მან აღნიშნა, რომ საქართველო გმობს ამ აგრესიას და მტკიცედ უჭერს მხარს უკრაინის ტერიტორიულ მთლიანობასა და სუვერენიტეტს.

„ეს რუსეთის მხრიდან გამოხატული კიდევ ერთი აგრესიაა. ჩვენ ამ აგრესიას ვგმობთ და უკრაინის ტერიტორიულ მთლიანობასა და სუვერენიტეტს მტკიცედ ვუჭერთ მხარს. დიდი იმედი გვაქვს, რომ სიტუაცია ესკალაციის გარეშე განიმუხტება“, – განაცხადა ქაცარავამ.

გუშინ რუსეთის სამხედრო საზღვაო ფლოტის ხომალდებმა უკრაინის კატარღებს ოდესის პორტიდან მარიუპოლის პორტში გადაადგილების დროს ცეცხლი გაუხსნეს. ინციდენტის შედეგად, უკრაინის ექვსი მოქალაქეა დაშავებული. უკრაინის პრეზიდენტის წარმომადგენლის ცნობით, რუს მესაზღვრეებს 20-ზე მეტი უკრაინელი სამხედრო ჰყავთ დაკავებული. უკრაინამ რუსეთის მოქმედებები აგრესიად შეაფასა.

მომხდარის გამო უკრაინის ეროვნული უშიშროების საბჭო 60-დღიანი საომარი მდგომარეობის შემოღების ინიციატივით გამოვიდა, რომელსაც უკრაინის პრეზიდენტმა პეტრო პოროშენკომ მხარი დაუჭირა. უჭერს. საომარი მდგომარეობის გამოცხადების საკითხს დღეს უკრაინის უმაღლესი რადა რიგგარეშე სხდომაზე უყრის კენჭს.