სამართალი

ესპერტსა და ხორავას ქუჩაზე მომხდარი მკვლელობის საქმის ერთ-ერთ ადვოკატზე განხორციელებული ზეწოლის შესაძლო ფაქტზე პროკურატურამ მოკვლევა დაიწყო

ექსპერტ მაია ნიკოლეიშვილისა და ხორავას ქუჩაზე მომხდარი მკვლელობის საქმეზე დაკავებული ერთ-ერთი ბრალდებულის ადვოკატზე განხორციელებული ზეწოლის შესაძლო ფაქტზე პროკურატურამ მოკვლევა დაიწყო.

საქმე ეხება ფაქტს, რომელიც ორი დღის წინ სასამართლო პროცესზე მოხდა. უწყებამ საქმის შესწავლა მას შემდეგ დაიწყო, რაც ექსპერტმა მაია ნიკოლეიშვილმა პროკურორის მხრიდან ზეწოლისა და მუქარის შესახებ განაცხადა.

„პროკურორების მხრიდან სავარაუდო გადაცდომის ფაქტზე გენერალურ ინსპექციაში დაწყებულია სამსახურეობრივი შემოწმება. ეს შემოწმება ახალი დაწყებულია, ჩატარდება ყველა მოქმედება იმის დასადგენად, ჰქონდა თუ არა პროკურორების მხრიდან რაიმე სახის გადაცდომას ადგილი.

ეს სამსახურეობრივი შემოწმების შესახებ ინფორმაციაა და მოგვიანებით გავავრცელებთ განცხადებას.

რაც შეეხება ნიკოლეიშვილის მიერ წარმოდგენილი ექსპერტიზის დასკვნას ის წინააღმდეგობაში არის სხვა მტკიცებულებებთან, რომელიც საქმეშია და გამოძიების მიერ არის დადგენილი. დაველოდებით სასამართლო პროცესის დასრულებას იგი რამდენიმე დღეში დასრულდება და ვნახოთ რა შეფასებას მისცემს სასამართლო“, აცხადებს მთავარი პროკურორის მოადგილე გიორგი გაბიტაშვილი.