უახლესი ამბები
არქივი
სამართალი
ე.წ. ფოტოგრაფების საქმეზე ბრალდებული დავით დევნოზაშვილი სასამართლომ პატიმრობაში დატოვა
ე.წ. ფოტოგრაფების საქმეზე ბრალდებული შსს-ს კონტრდაზვერვის დეპარტამენტის უფროსის ყოფილი მოადგილე, დავით დევნოზაშვილი სასამართლომ პატიმრობაში დატოვა.
მოსამართლემ განაცხადა, რომ არსებობს საფრთხე მტკიცებულებათა მოპოვებაზე ხელის შეშლასთან დაკავშირებით.
სასამართლომ არ დააკმაყოფილა ბრალდებულის ადვოკატის შუამდგომლობა, რომელიც მისი დაცვის ქვეშ მყოფის 10 ათას ლარიანი გირაოთი გათავისუფლებას ითხოვდა.
პროცესზე განცხადება გააკეთა თავად ბრალდებულმა. დევნოზაშვილმა თქვა, რომ მიმალვას არ აპირებდა, ხოლო რაც შეეხება საქმეს, მას ფოტოგრაფებზე არანაირი ზეწოლა არ მოუხდენია, რაშიც მას ბრალდების მხარე ადანაშაულებს.
შეგახსენებთ, რომ შსს-ს კონტრდაზვერვის დეპარტამენტის ყოფილ უფროს დავით დევნოზაშვილთან ერთად საქმეზე ბრალდებულია გლდანის მერვე დაწესებულების დირექტორი ალექსანდრე მუხაძე.
ორივე მათგანი ბრალდებულია უფლებამოსილების გადამეტებაში პირადი ღირსების შელახვის მუხლით.
ნინო ექვთიმიშვილი