პოლიტიკა

ე.წ სამხრეთ ოსეთში ამნისტია გამოცხადდა

ე.წ სამხრეთ ოსეთის დე ფაქტო პარლამენტმა, მასშტაბური ამნისტია გამოაცხადა.

ჯერჯერობით არ არის განსაზღვრული იმ პირთა რაოდენობა, რომლებსაც შეეხება ამნისტია. თუმცა ცნობილია, რომ ვადაზე ადრე გათავისუფლება შეეხება: პირებს, რომლებიც პირველ პატიმრობაში იმყოფებიან და მათი სასჯელი 3 წლამდე თავისუფლების აღკვეთას გულისხმობს; ასევე, პირებს, რომლებიც საბრძოლო მოქმედებებში მონაწილეობდნენ; ქალებს, რომლებსაც არასრულწლოვანი, ან ინვალიდი- შვილები ყავთ, ასევე ფეხმძიმე ქალებს.

გარდა ამისა, თავისუფლებაზე შესაძლოა 55 წელს გადაცილებული მამაკაცები და 50 წელს გადაცილებული ქალები გავიდნენ.

ასევე ამნისტია პირველი და მეორე ჯგუფის ინვალიდებს შეეხებათ, ასევე ტუბერკულოზით დაავადებულ პატიმრებს.

ასევე, არასრულწლოვნებიც გათავისუფლდებიან, რომელებიც ერთხელ არიან ნასამართლევი და 5 წლამდე პატიმრობა აქვთ მისჯილი.

ამნისტია არ ეხება იმ ადამიანებს, რომებმაც მძიმე და განსაკუთრებით მძიმე დანაშაული აქვთ ჩადენილი. ისეთი პირებიც ვერ დატოვებენ საპყრობილეებს, რომლებიც თავის დროზე ამნისტიით გათავისუფლდნენ და ახალი დანაშაულის ჩადენის საფუძველზე, კვლავ საპატიმროებში მოხვდნენ. რეციდივისტის სტატუსის მქონე პატიმრებიც ამნისტიის გარეშე დარჩებიან.

ამნისტიის გამოცხადება, 9 აპრილს გამართულ საპრეზიდენტო არჩევნებს უკავშირდება.

მონიკა დავლიანიძე