უკან
სამართალი
1 აპრილი, 2017 11:40
ე.წ `ცენტრ-პოინტის` საქმეზე ყველა ქონებას ყადაღა მოეხსნა
თბილისის საქალაქო სასამართლო „ცენტრ-პოინტი“ ჯგუფის საქმესთან დაკავშირებით დამატებით განმარტებას აკეთებს.
როგორც სასამართლოს მიერ გავრცელებულ განცხადებაშია აღნიშნული, 2017 წლის 31 მარტის განაჩენით, დამნაშავედ იქნენ ცნობილნი თაღლითობისა და მითვისების ფაქტზე ბრალდებულები მაია რჩეულიშვილი და რუსუდან კერვალიშვილი. მათ საბოლოო სასჯელის სახედ და ზომად 4-4 წლით თავისუფლების აღკვეთა განესაზღვრათ.
,,მაღალი საზოგადოებრივი ინტერესის გათვალისწინებით განვმარტავთ, რომ სასამართლოს დღევანდელი განაჩენით აღნიშნულ სისხლის სამართლის საქმეზე, ყადაღა მოეხსნა ყველა დაყადაღებულ ქონებას’’, - აცხადებენ თბილისის საქალაქო სასამართლოში.
ნინო ექვთიმიშვილი