უახლესი ამბები
- 18.04.2024 19:05ღრმად იმედგაცრუებულები ვართ საქართველოს პარლამენტის გადაწყვეტილებით კრემლის მიერ შთაგონებული კანონპროექტის დაინიცირების გამო - მეთიუ მილერი
- 18.04.2024 18:29“ვაცხადებთ სრულ კოორდინაციასა და მობილიზაციას კანონის მეორე მოსმენით განხილვის დღისთვის” - ექვსი ოპოზიციური პარტია ერთობლივ განცხადებას ავრცელებს
- 18.04.2024 14:47პაატა კვიჟინაძე ოპოზიციას - ერთ პიროვნებაზე იძახდით, გარბის საქართველოდან, გაფრინდაო, ახლა ამბობთ, შემოდის და აქ აბანდებსო, გაერკვიეთ, რა გინდათ
- 18.04.2024 13:57ივანიშვილი იღებს ზომებს, სანქციების შემთხვევაში ფული საქართველოში გადაიტანოს - ევროპარლამენტარი
არქივი
სამართალი
ე.წ. ციანიდის საქმეზე დეკანოზი გიორგი მამალაძე ჩვენებას აძლევს
ე.წ. ციანიდის საქმეზე სასამართლო დარბაზში პირველად აძლევს ჩვენებას ბრალდებული გიორგი მამალაძე.
აქამდე ის ორჯერ დაიკითხა - ერთხელ გამოძიების პირველ ეტაპზე, შემდეგ კი ე.წ მატროსოვის ციხეში.
ბრალდების მხარეების შეკითხვებს ამ წუთებში დეკანოზი გიორგი მამალაძე პასუხობს.
როგორც ბრალდებულის ადვოკატმა, მიხეილ რამიშვილმა სხდომის დაწყებამდე განაცხადა, აღნიშნული ჩვენება დაადასტურებს, რომ პროკურატურის მიერ წარდგენილი ბრალდება მოგონილია.
"წინასწარ გამოძიებაში მამა გიორგიმ მისცა ისეთი ჩვენება, რომელიც ნორმალური და ობიექტური გამოძიების შემთხვევაში საფუძველი იქნებოდა, რომ საქმე შეწყვეტილიყო. ახლა რა უნდა შეცვალოს?", - განაცხადა მიხეილ რამიშვილმა.
თავის მხრივ, საქმის პროკურორს, ზვიად გუბელაძის განცხადებით, ბრალდებულმა პირველ ეტაპზე მიცემული ჩვენება შეცვალა.
"პირველ ეტაპზე სხვა ჩვენება მისცა, შემდეგ სხვანაირი ინტერპრეტაცია მისცა ამ ჩვენებას. მამალაძემ თავად დაინახა, რომ არაერთმა მოწმემ გამორიცხა მისი ჩვენება. მაგალითად, პირველ ჩვენებაში მის მიერ ნათქვამ ფრაზებზე საუბრობდა, რაც ჩანაწერებშია და ხსნიდა სხვადასხვა გარემოებებით, მეორე დაკითხვის დროს კი ამბობდა, რომ ეს ხუმრობა იყო. ეს იყო ერთ-ერთი მნიშვნელოვანი რაც შეცვალა", -განაცხადა ზვიად გუბელაძემ.
ნინო ექვთიმიშვილი