პოლიტიკა
ევროპასთან ინტეგრაციის კომიტეტის ხელმძღვანელი ავსტრიის ელჩს შეხვდა
საქართველოს პარლამენტის ევროპასთან ინტეგრაციის კომიტეტის თავმჯდომარემ, თამარ ხულორდავამ გაცნობითი ხასიათის შეხვედრა გამართა ავსტრიის ელჩთან საქართველოში არად ბენკოსთან.
ოფიციალური ცნობით, შეხვედრაზე განიხილეს საპარლამენტო კომიტეტის სამომავლო საქმიანობა, ევროინტეგრაციული პროცესების მიმდინარეობა და აქართველოს ევროპულ გზაზე არსებული გამოწვევები. მხარეებმა განიხილეს საქართველოსა და ავსტრიას შორის ორმხრივი და მრავალმხრივი ურთიერთობების საკითხები როგორც საპარლამენტო კუთხით, ისე სხვადასხვა მიმართულებით, მათ შორის პოლიტიკურ, სავაჭრო-ეკონომიკურ, კულტურის და სხვა სფეროებში. საუბარი შეეხო საქართველოს ევროპულ მისწრაფებებს და ევროკავშირში არსებულ ვითარებას.
ევროპასთან ინტეგრაციის კომიტეტის თავმჯდომარე მიესალმა ავსტრიის საელჩოს გახსნას საქართველოში, რაც ორ ქვეყანას შორის თანმშრომლობის გაღრმავების საწინდარია.
თამარ ხულორდავა, ასევე, შეხვდა ლატვიის ელჩს საქართველოში იანის ზლამეცს. მხარეებმა ისაუბრეს საქართველოსა და ევროკავშირის ურთიერთობების განვითარებაზე. აღინიშნა, რომ საქართველო არის აღმოსავლეთ პარტნიორობის ლიდერი და ძლიერი რეფორმატორი ქვეყნა რეგიონში. იანის ზლამეცის შეფასებით, საქართველოს მიერ მიღწეული პროგრესი იმსახურებს საპასუხო დაჯილდოვებას ევროკავშირის მხრიდან და გამოთქვა რწმენა, რომ საქართველოსთვის ვიზალიბერალიზაციის პროცესი უმოკლეს ვადაში წარმატებით დასრულდება.
ელჩმა კომიტეტის თავმჯდომარეს გადასცა ლატვიის სეიმის ევროპულ საქმეთა კომიტეტის თავმჯდომარის, ლოლიტა ჩიგანეს წერილი, რომელიც მიზნად ისახავს ორ კომიტეტს შორის თანამშრომლობის გაღრმავებას და ერთობლივი ღონისძიებების დაგეგმვას. მხარეები შეთანხმდნენ დაიწყონ მზადება ლატვიის საპარლამენტო დელეგაციის ვიზიტის განხორციელებისთვის.
ელჩმა, კიდევ ერთხელ, დაადასტურა ლატვიის უპირობო მხარდაჭერა საქართველოს ევროპული არჩევანის მიმართ.
საკვანძო სიტყვები:
საქართველოს უნგრეთის საგარეო საქმეთა მინისტრი ეწვევა
5 ივლისი, 2020 , 10:35
მოვუწოდებთ თურქეთის ხელისუფლებას, არ მიიღოს გადაწყვეტილება, რომელიც გაართულებს თურქეთის საგარეო-პოლიტიკურ მდგომარეობას - შალვა ნათელაშვილი
4 ივლისი, 2020 , 15:10
„ქართული ოცნება” განწირულია ოპოზიციაში გადასვლისთვის - გიორგი კანდელაკი
3 ივლისი, 2020 , 16:55
რეფორმები ჩვენი ნორმალური მდგომარეობა უნდა გახდეს - გიორგი გახარია
3 ივლისი, 2020 , 15:20
„მომეწონა ხელისუფლებაში ყოფნა, ქვეყნის ძარცვა, კორუფცია გადასარევია და ამიტომ უნდა დავრჩე“ - სავარაუდოდ ეს იქნება „ქართული ოცნების“ ბოლო საარჩევნო დაპირება - დავით ჭიჭინაძე
3 ივლისი, 2020 , 12:55
იმ ქვეყანასთან თანამშრომლობა, სადაც პოლიტპატიმრები არიან, არც ერთ ნორმალურ სახელმწიფოს არ სურს - ბადრი ჯაფარიძე
2 ივლისი, 2020 , 17:35
