პოლიტიკა

გაერო ძალიან დიდი შეშფოთებით ადევნებს თვალს ტატუნაშვილის საქმეს - გაეროს ელჩი საქართველოში

საქართველოში გაეროს ელჩის, ნილ სკოტის განცხადებით, უმნიშვნელოვანესია, რომ არჩილ ტატუნაშვილის ცხედარი სასწრფოდ გადაეცეს ოჯახს, ხოლო თავად ორგანიზაცია საქართველოს მოქალაქის დაღუპვის გამჭვირვალე გამოძიებას ითხოვს.

„გაერთიანებული ერების ორგანიზაცია ძალიან დიდი შეშფოთებით ადევნებს თვალს ტატუნაშვილის საქმეს. ჩვენ მოვითხოვთ გამჭვირვალე გამოძიებას, რომელიც ამ ინფორმაციას მისცემს ყველა დაინტერესებულ მხარეს, მაგრამ უპირველეს ყოვლისა, უმნიშვნელოვანესია, რომ ცხედარი სასწრაფოდ გადაეცეს ოჯახს და ასევე ორი ადამიანი იყოს განთავისუფლებული“, - განაცხადა სკოტმა.

საოკუპაციო ძალებმა 22 თებერვალს ახალგორის რაიონში საქართველოს სამი მოქალაქე: არჩილ ტატუნაშვილი, იოსებ პავლიაშვილი და ლევან ქუტაშვილი დააკავეს. მომდევნო დღეს ოსურმა მედიამ გაავრცელა ინფორმაცია ტატუნაშვილის დაღუპვის შესახებ. ამ დრომდე ქართული მხარისა და მისი საერთაშორისო პარტნიორების მოთხოვნის მიუხედავად, საოკუპაციო რეჟიმს არ გადმოუცია ტატუნაშვილის ცხედარი მისი ოჯახისთვის.

ანა მებურიშვილი