სამართალი

გაკეთდება ყველაფერი, რათა შედეგი იყოს უზუსტესად დადასტურებული - გიორგი გახარია 9 წლის გოგონას მკვლელობაზე

საქართველოს შინაგან საქმეთა მინისტრი, გიორგი გახარია ცოტა ხნის წინ გორში იმყოფებოდ, სადაც მოკლული 9 წლის გოგონას ოჯახს მიუსამძიმრა.

მოგვიანებით კი, მინისტრმა ჟურნალისტებთან საუბრისას გამოძიების მიმდინარეობაზე გააკეთა კომენტარი.

„გამოძიება მიმდინარეობდა აქტიურად. გამოძიება ახლა გრძელდება. ეს უდიდესი ტრაგედიაა. პირველ რიგში ოჯახს სამძიმარი, სამძიმარი გორს და მთლიანად ქვეყანას. მძიმე დღეები იყო.

პირველ რიგში მადლობა მინდა გადავუხადო პირად შემადგენლობას, რომლებმაც ძალიან აქტიური მუშაობის შედეგად პირველადი შედეგი დადეს. ჩვენ ვიცით, რომ ეს პირველადი შედეგი არის ობიექტური, სამართლიანი.

რა თქმა უნდა, გამოძიება გაგრძელდება და ამ შედეგს მივიყვანთ ბოლომდე ადექვატურად, რომ თითოეულმა ჩვენმა მოქალაქემ უფრო უსაფრთხოდ იგრძნოს თავი. გამოძიება გრძელდება. გაკეთდება ყველაფერი, რათა შედეგი იყოს უზუსტესად დადასტურებული”, - განაცხადა გიორგი გახარიამ.