საზოგადოება
გალტ & თაგარტის გუნდის წევრები ADB-ის ყოველწლიურ შეხვედრაში მონაწილეობენ
საქართველოში წამყვანი საინვესტიციო ბანკის, გალტ & თაგარტის გენერალური დირექტორი, გიორგი კუპრაშვილი, დირექტორის მოადგილე, ქეთევან თოიძე და კაპიტალის ბაზრების სამსახურის უფროსი, ვანო კიკვილაშვილი აზიის განვითარების ბანკის მიერ გამართულ ყოველწლიურ შეხვედრაში იღებენ მონაწილეობას. აზიის განვითარების ბანკის მმართველთა საბჭოს 58-ე ყოველწლიური შეხვედრა 4-7 მაისს, მილანში იმართება. ღონისძიება მასპინძლობს მსოფლიოს მასშტაბით წამყვან ფინანსურ ორგანიზაციებს, სხვადასხვა ქვეყნის ლიდერებს, საინვესტიციო ბანკირებს, ეკონომისტებს და ა.შ.
გალტ & თაგარტის გუნდის წევრები მაღალი დონის შეხვედრებს, პანელურ დისკუსიებსა და არაფორმალურ ღონისძიებებს ესწრებიან, სადაც შესაძლებლობა აქვთ, საერთაშორისო პარტნიორებთან და წამყვანი ფინანსური ინსტიტუტების წარმომადგენლებთან ერთად ჩაერთონ დისკუსიებსა და ნეთვორქინგ სესიებში.
„გალტ & თაგარტის მონაწილეობა აზიის განვითარების ბანკის მიერ ორგანიზებულ მაღალი დონის ღონისძიებაში ხაზს უსვამს ჩვენს ძალისხმევას, დავამყაროთ ძლიერი საერთაშორისო კავშირები და გავამტკიცოთ ჩვენი, როგორც წამყვანი საინვესტიციო ბანკის პოზიციები რეგიონში. ჩვენ მოხარული ვართ, რომ გვაქვს შესაძლებლობა, საერთაშორისო პარტნიორებს გალტ & თაგარტის მრავალწლიანი გამოცდილება და პრაქტიკა გავუზიაროთ“, — აცხადებს გიორგი კუპრაშვილი, გალტ & თაგარტის გენერალური დირექტორი.
„აზიის განვითარების ბანკის ყოველწლიური შეხვედრა გლობალურ და რეგიონულ ეკონომიკურ ტენდენციებზე, ფინანსურ თუ საინვესტიციო საკითხებზე დიალოგისთვის მნიშვნელოვანი პლატფორმაა. ღონისძიებაზე შესაძლებლობა გვაქვს, კიდევ უფრო გავაღრმაოთ კავშირები საერთაშორისო ინსტიტუტებთან. ამასთანავე, მივიღოთ ინფორმაცია ინდუსტრიის პრიორიტეტებსა და დინამიკაზე“, — აცხადებს ქეთევან თოიძე, გალტ & თაგარტის დირექტორის მოადგილე.
ცნობისთვის, აზიის განვითარების ბანკის მმართველთა საბჭოს ყოველწლიური შეხვედრა ორგანიზაციის პარტნიორ ქვეყნებსა და ინსტიტუტებს საშუალებას აძლევს, ურთიერთობები გააძლიერონ მთავრობებთან, არასამთავრობო ორგანიზაციებთან, მედიასთან, საერთაშორისო ორგანიზაციების, აკადემიური წრეებისა და კერძო სექტორის წარმომადგენლებთან.
საკვანძო სიტყვები:
„იმედის“ მფლობელი “ტელე იმედს“ ემშვიდობება
6 თებერვალი, 2026 , 20:02
„ლიდერობა და შედეგიანობა სწრაფი ცვლილებების ხანაში“ — ბათუმში Solo Business Talks გაიმართა
6 თებერვალი, 2026 , 19:24
გალტ & თაგარტმა საქართველოში ელ-კომერციის სექტორის წარმომადგენლებთან კვლევის შედეგები წარადგინა
6 თებერვალი, 2026 , 18:07
ზამთრის ოლიმპიური თამაშები იწყება - საქართველოს ბანკი ოლიმპიური ნაკრების მთავარი სპონსორი
6 თებერვალი, 2026 , 16:56
ფსიქოტროპული მედიკამენტების არამართლზომიერად და ჭარბი ოდენობით გამოწერის გამო ათ მედიკოსს პროფესიული პასუხისმგებლობა დაეკისრა - ჯანდაცვის სამინისტრო
6 თებერვალი, 2026 , 14:44
სურსათის ეროვნულმა სააგენტომ თბილისში კვების ცხრა ობიექტს საწარმოო პროცესი შეუჩერა
6 თებერვალი, 2026 , 14:36


