სამართალი
გამოძიების ამ ეტაპზე, საუბარია რამდენიმე ასეული ათასი ლარის ხარჯვის მიზნობრიობაზე - ფონდ ,,იავნანას“ საქმის პროკურორი
გამოძიებას პაატა ბურჭულაძესთან კითხვები კონკრეტული მგზავრობის დაფინანსების, ქონების შეძენისა და სხვა ხარჯების მიზნობრიობაზე ექნება, - განუცხადა ჟურნალისტებს პროკურორმა, მაია ჯვარშეიშვილმა, რომელიც ფონდ "იავნანას" დამფუძნებლის მოწმის სახით გამოკითხვის პროცესში მონაწილეობს.
"გამოძიების პერიოდში ამოღებულია ფონდ „იავნანას“ დაფუძნებიდან 2017 წლის ჩათვლით დოკუმენტაცია. მათი შესწავლის პირობებში გამოიკვეთა არაერთი მნიშვნელოვანი, საინტერესო და მათ შორის საეჭვო გარემოება ფონდის კუთვნილი თანხების ხარჯვის მიზნობრიობასთან დაკავშირებით, შესაბამისად, გამოძიებას აქვს კითხვები ფონდის დამფუძნებელთან და მის ყოფილ პრეზიდენტთან. დღეს სწორედ ამ საკითხებზე მოხდება მისი მოწმის სახით გამოკითხვა, მაგისტრ მოსამართლესთან თავად პაატა ბურჭულაძის მოთხოვნის შესაბამისად", - განაცხადა ჯვარშეიშვილმა.
კითხვაზე, იკვეთება თუ არა ამ საქმეში ვინმეს, მათ შორის პაატა ბურჭულაძის ბრალეულობის საკითხი, პროკურორმა აღნიშნა, რომ ყველა სხვა საგამოძიებო და საპროცესო მოქმედება და შესაბამისი სამართლებრივი შედეგი მოგვიანებით გახდება ცნობილი.
მისი თქმით, საუბარია რამდენიმე ასეული ათასი ლარის ხარჯვის მიზნობრიობაზე, რაზეც პროკურატურას კითხვები გაუჩნდა.
"ცალკეული საკითხები ეხება მგზავრობის დაფინანსებებს, კონკრეტული ქონების შეძენის მიზნობრიობას, ასევე სხვა მიმდინარე ხარჯებს, რომელთან დაკავშირებითაც გამოძიებას არაერთი მნიშვნელოვანი და საინტერესო კითხვა აქვს. გამოძიების ამ ეტაპზე საუბარია რამდენიმე ასეული ათასი ლარის ხარჯვის მიზნობრიობაზე", - განაცხადა პროკურორმა.
ნინო ექვთიმიშვილი
საკვანძო სიტყვები:
სასამართლომ ირაკლი კუპრაძეს 2 500-ლარიანი ჯარიმა დააკისრა
24 აპრილი, 2024 , 15:01
შურისძიების მოტივით ჩადენილი მკვლელობის ფაქტზე ბრალდებულს 12 წლით თავისუფლების აღკვეთა მიესაჯა
24 აპრილი, 2024 , 11:30
ავტომანქანის ყალბი მართვის მოწმობების დამზადება-გასაღების ფაქტზე ოთხი პირი დააკავეს
23 აპრილი, 2024 , 10:37
ტრანსნაციონალური თაღლითური „ქოლ-ცენტრების“ წინააღმდეგ მიმდინარე გამოძიების ფარგლებში, დაკავებულია ორგანიზებული დანაშაულებრივი ჯგუფის ოთხი წევრი - პროკურატურა
22 აპრილი, 2024 , 12:23
მთელი ღამის განმავლობაში მიმდინარეობდა ოპერატიულ-საგამოძიებო მოქმედებები - სუს-ი
22 აპრილი, 2024 , 10:25
ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
19 აპრილი, 2024 , 17:15
