პოლიტიკა

გამოკითხულთა 26% დადებითად აფასებს პრეზიდენტის საქმიანობას, 25% - პრემიერის საქმიანობას, ხოლო 19 % - პარლამენტის თავმჯდომარის მოღვაწეობას - NDI

ეროვნულ-დემოკრატიული ინსტიტუტის (NDI) კვლევის თანახმად, გამოკითხული მოსახლეობის 26% მოქმედი პრეზიდენტის, გიორგი მარგველაშვილის საქმიანობას დადებითად აფასებს, 51% - საშუალოდ, ხოლო 3% - უარყოფითად.

რაც შეეხება პრემიერ-მინისტრ გიორგი კვირიკაშვილს, გამოკითხულთა 25% მის საქმიანობას დადებითად აფასებს, 52% - საშუალოდ, ხოლო 3% - უარყოფითად.

საქართველოს პარლამენტის თავმჯდომარის, ირაკლი კობახიძის საქმიანობას გამოკითხულთა 19% დადებითად აფასებს, 43% - საშუალოდ, ხოლო 22% - უარყოფითად.

კვლევის თანახმად, გამოკითხულთა 25% დადებითად საპარლამენტო უმცირესობის ლიდერის, დავით ბაქრაძის საქმიანობას აფასებს, ხოლო 13% უმრავლესობის ლიდერის, არჩილ თალაკვაძის საქმიანობას.

კვლევის საველე სამუშაოები ჩატარდა 20 მარტი - 4 აპრილის პერიოდში, საქართველოს მასშტაბით (ოკუპირებული ტერიტორიების გამოკლებით), 2,194 პირისპირ ინტერვიუს წარმომადგელობითი შერჩევის საფუძველზე (გამოპასუხება 46%). კვლევა პირისპირ ინტერვიუს სახით ჩატარდა და მისი ცდომილება 2,2 პროცენტია.

კვლევა დიდი ბრიტანეთის მთავრობის UK aid-ის ფინანსური ხელშეწყობით ჩატარდა, საველე სამუშაოები კი CRRC-საქართველომ შეასრულა