სამართალი

გარიგებულ მატჩებში ბრალდებულები წინასწარ პატიმრობაში რჩებიან

გარიგებულ მატჩებში ბრალდებული კალათბურთის მწვრთვნელები და მსაჯი პატიმრობაში რჩებიან.

თბილისის საქალაქო სასამართლომ არ დააკმაყოფილა დაცვის მხარის შუამდგომლობა და ბრალდებულის მიმართ გამოყენებული აღკვეთის ღონისძიების სახით პატიმრობა ძალაში დატოვა.

დაცვის მხარე საკალათბურთო კლუბ ”სოხუმის” მწვრთნელის ვაჟა კვარაცხელიას, კლუბის თანამფლობელის თემურ დათიკაშვილისა და მსაჯის ზაზა მაჩალაძის გირაოს საფუძველზე გათავისუფლებას ითხოვდნენ.

ბრალდებულებს ასევე თავდებში უდგებოდნენ კალათბურთის სამყაროს წარმომადგენლები, მათ შორის ანატოლი ბოისა, კახა შენგელია და ჯამლეტ ხუხაშვილი.

დაცვის მხარის შუამდგომლობას არ დაეთანხმა პროკურორი და აღნიშნა, რომ მიუხედავად მტკიცებულებების უდაოდ გახდომისა, კვლავ არსებობს მიმალვისა და დანაშაულებრივი საქმიანობის გაგრძელების საფრთხე.

საბოლოოდ, მოსამართლემ არ გაიზიარა დაცვის მხარის შუამდგომლობა და ბრალდებულები პატიმრობაში დატოვა.