პოლიტიკა

გიორგი დოხტურიშვილი მესამე მასივში საგზაო სამუშაოების მიმდინარეობას გაეცნო

თბილისის საკრებულოს წევრი, სამგორის რაიონის(მესამე მასივი) მაჟორიტარი დეპუტატი გიორგი დოხტურიშვილი ვარკეთილის მესამე მასივში საგზაო სამუშაოების მიმდინარეობას ადგილზე გაეცნო.

თბილისის საკრებულოს ინფორმაციით, კალოუბნის ქუჩის - 22; 28; 30 - ში სამუშაოები ინტენსიურ რეჟიმში მიმდინარეობს. აღნიშნულ მისამართებზე შეიცვალა მიწისქვეშა კომუნიკაციები. ამ ეტაპზე მიმდინარეობს შიდა ეზოების მოასფალტება, რაც მოსახლეობის წინასაარჩევნო დაკვეთა იყო.

მესამე მასივში საგზაო სამუშაოები მომავალშიც გაგრძელდება. კერძოდ, კალოუბნის ქუჩის 32; 34; 36-ში, ასევე ვარკეთილის ზ/პლატოს 40-ში და მესამე მასივის, VI კვ. 7 – 13 ნომრებში მიწისქვეშა კომუნიკაციების რეაბილიტაცია უკვე დასრულდა და უახლოეს დღეებში დაიწყება შიდა ეზოების მოასფალტება.