სამართალი

„გირჩის“ ოფისში შს სამინისტროს წარმომადგენლები იმყოფებიან

პარტია "გირჩის" ოფისში შს სამინისტროს წარმომადგენლები შევიდნენ.

ამის შესახებ პარტიის ლიდერი ზურაბ ჯაფარიძე Facebook გვერდზე წერს.

პარტიის წევრის ნიკა ქავთარაძის განცხადებით კი, ოფისში კრიმინალური პოლიციის წარმომადგენლები იმყოფებიან.

პარტიაში აცხადებენ, რომ კრიმინალურმა პოლიციამ მათი ოფისის ჩხრეკის ოქმი წარუდგინა.

სამართალდამცველები ექსპერტებს ელოდებიან, რომლებიც შესაბამისი სამუშაოების შედეგად დაადგენენ რა მცენარე დათესეს პარტიის წევრებმა 31 დეკემბრის ღამეს.

შეგახსენებთ, რომ „გირჩის“ წარმომადგენლებმა ნარკოპოლიტიკის ლიბერალიზაციის მოთხოვნით, 31 დეკემბერს თავიანთ ოფისში მარიხუანა პირდაპირ ეთერში დათესეს.

მონიკა დავლიანიძე