უახლესი ამბები
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
სამართალი
გივი თარგამაძე პროკურატურაში იმყოფება
„ნაციონალური მოძრაობის“ ერთ-ერთი ლიდერი, გივი თარგამაძე თბილისის პროკურატურაში ადვოკატთან, გიორგი ჩივიაშვილთან ერთად მივიდა. ის საგამოძიებო უწყებაში მისი მანქანის აფეთქების საქმეზეა დაბარებული.
როგორც თარგამაძემ ჟურნალისტებს პროკურატურაში შესვლამდე განუცხადა, უკვე დაზარალებულად ცნეს და საქმის მასალების გასაცნობად დაიბარეს.
ნაციონალური მოძრაობის წევრის თქმით, მას კითხვები აქვს გამოძიებასთან. თარგამაძის თქმით, მისთვის გაუგებარია, რაზე დაყრდნობით მოახდინეს დამნაშავის იდენტიფიცირება.
"ორი თვის თავზე შემთხვევიდან, როგორც იქნა, მცნეს დაზარალებულად. ამის შემდეგ ჯიუტად ამბობდნენ უარს თავიანთი ვალდებულებების შესრულებაზე ანუ საქმის მასალების ჩვენთვის გაცნობაზე. დღეს დილით შეცვალეს პოზიცია და გადაწყვიტეს, რომ საქმის მასალები გაგვაცნონ. შესაბამისად, მაქვს იმედი, რომ დღეს მივიღებ პასუხებს კითხვებზე, რომელიც მაქვს, ვინაიდან ამ გამოძიებასთან დაკავშირებით ჯერჯერობით მე მაქვს მხოლოდ კითხვები და არც ერთი პასუხი. ვნახოთ, რას მოიტანს საქმის მასალების გაცნობა. კითხვები ძალიან ბევრია, მათ შორის ის, თუ რაზე დაყრდნობით მოახდინეს დამნაშავის იდენტიფიცირება, ამის საბუთები არ წარმოუდგენიათ", - განაცხადა გივი თარგამაძემ.
ნინო ექვთიმიშვილი