უახლესი ამბები
- 20.05.2024 17:331 აშშ დოლარის ოფიციალური ღირებულება 2.7536 ლარი გახდა
- 20.05.2024 17:17ქართველი მაღალჩინოსნების სანქცირებისთვის კონგრესმენი ვილსონი კანონპროექტს წარადგენს
- 20.05.2024 14:5421 მაისიდან საქართველოში მოსალოდნელია ჰაერის ტემპერატურის მომატება
- 20.05.2024 14:36პრეზიდენტის მხრიდან ბლანკეტური ვეტოს გამოყენება სწორი გადაწყვეტილება იყო, რადგან რუსული კანონი შელამაზებას არ ექვემდებარება - თინა ბოკუჩავა
- 20.05.2024 14:09საქართველოს პრეზიდენტმა ჩაიდინა მორიგი მავნებლობა - თეა წულუკიანი
- 20.05.2024 13:52რა თქმა უნდა, ჩვენ ვეტოს დავძლევთ - შალვა პაპუაშვილი
- 20.05.2024 13:38სვანეთში ავტოსაგზაო შემთხვევას ორი ადამიანი ემსხვერპლა
- 20.05.2024 12:28ეს დასკვნა კიდევ ერთხელ ამხელს და აბათილებს “ქართული ოცნების” ტყუილს და დეზინფორმაციას, თითქოს არავის წარმოუდგენია არგუმენტები “რუსული კანონის” წინააღმდეგ - ანა ნაცვლიშვილი
- 20.05.2024 12:19ფაქტობრივად ცეცხლის რკალშია საქართველო და იმისთვის, რომ საქართველოში უსაფრთხო გარემო შევინარჩუნოთ, საჭიროა, ნებისმიერი უცხოური გავლენა ქართველი ხალხისთვის გამჭვირვალე იყოს - შალვა პაპუაშვილი
- 20.05.2024 12:00უმუშევრობა შემცირდა 50 600 ადამიანით, კარგი დინამიკა გვაქვს დასაქმების მაჩვენებლების გაუმჯობესების კუთხით - ირაკლი კობახიძე
არქივი
პოლიტიკა
გოჩა ჯავახიშვილმა შეურაცხყოფა მიაყენა როგორც სახელმწიფოს, ისე უწყებას, აგრეთვე თითოეულ ღირსეულ დიპლომატს - ილია დარჩიაშვილი
გოჩა ჯავახიშვილმა შეურაცხყოფა მიაყენა როგორც სახელმწიფოს, ისე უწყებას, აგრეთვე თითოეულ ღირსეულ დიპლომატს, რომელიც ერთგულად ემსახურება ქართული სახელმწიფოს ინტერესებს, – ამის შესახებ საქართველოს საგარეო საქმეთა მინისტრი ილია დარჩიაშვილი სოციალურ ქსელში წერს.
„მსურს, გამოვეხმაურო გოჩა ჯავახიშვილის განცხადებას, რომელიც მან ჩემ მიერ მისი თანამდებობრივი უფლებამოსილების შეჩერებიდან რამდენიმე საათში გააკეთა. ამ განცხადებით გოჩა ჯავახიშვილმა, ნებსით თუ უნებლიეთ, შეურაცხყოფა მიაყენა როგორც სახელმწიფოს, ისე უწყებას, რომელშიც მრავალი წელი იმსახურა, აგრეთვე თითოეულ ღირსეულ დიპლომატს, რომელიც ერთგულად ემსახურება ქართული სახელმწიფოს ინტერესებს.
უკანასკნელი წლების განმავლობაში გოჩა ჯავახიშვილი უმაღლესი პოზიციიდან – ელჩის რანგში – წარმოადგენდა ჩვენს ქვეყანას ერთ-ერთ წამყვან ევროპულ სახელმწიფოში და ყველაზე კარგად უნდა უწყოდეს, რა ძალისხმევა გავწიეთ ამ პერიოდში საქართველოს ევროპული მომავლის უზრუნველსაყოფად.
საქართველოს დიპლომატიური სამსახური ყოველთვის იდგა და დგას მოწოდების სიმაღლეზე და სრულად აცნობიერებს საკუთარ პასუხისმგებლობას ქვეყნის წინაშე. ჩვენი უწყების თანამშრომლებმა განუზომელი წვლილი შეიტანეს საქართველოს ევროპული მომავლის შეუქცევადობაში და აუცილებლად მიიყვანენ ბოლომდე ევროკავშირში ინტეგრაციის საქმეს. ეს ქვეყანა აუცილებლად გახდება ევროპული ოჯახის ღირსეული და სრულუფლებიანი წევრი.
გოჩა ჯავახიშვილმა კი, სამწუხაროდ, ამ საქმეში მონაწილეობის შანსი საკუთარი გადაწყვეტილებით გაუშვა ხელიდან“, – წერს ილია დარჩიაშვილი.
გოჩა ჯავახიშვილმა გუშინ სოციალურ ქსელში დაწერა, რომ საფრანგეთში საქართველოს ელჩის თანამდებობა დატოვა.