უახლესი ამბები
- 29.03.2024 13:40საქართველოს ტერიტორიაზე უახლოეს დღეებში ტემპერატურა 26 გრადუსამდე მოიმატებს - გარემოს ეროვნული სააგენტო
- 29.03.2024 12:02მუნიციპალური ტრანსპორტის ხუთ მარშრუტს 30 მარტიდან ავტობუსები დაემატება და მოცდის ინტერვალი შემცირდება
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
- 29.03.2024 11:41თებერვალში საქართველოს ეკონომიკა 9.5 პროცენტით გაიზარდა - საქსტატი
არქივი
რეგიონები
გონიოში აქციის მონაწილეები კომპანიისგან კუთვნილი ანაზღაურების გადახდას ითხოვენ
აჭარაში, გონიოში მუშებმა და სპეცტექნიკის მძღოლებმა საპროტესტო აქცია გამართეს კუთვნილი ანაზღაურების გადახდის მოთხოვნით. აქციის მონაწილეების თქმით, მათ ხელშეკრულება გააფორმეს შპს „ჯორჯიან ბილდინგ პლუსთან“, რომლის ტენდერით მიღებულ ტერიტორიაზე სარეაბილიტაციო სამუშაოებს ასრულებდნენ, - იტყობინება აჭარის ტელევიზია.
„გასული წლის მარტიდან ოთხი თვის განმავლობაში ვმუშაობდით. ხელშეკრულების მიხედვით, თანხა სამი თვის შემდეგ უნდა აგვეღო. ხელმძღვანელი თურქი იყო, იგი წავიდა და ილია ბაღათურიას სახით სხვა დირექტორი მოგვევლინა, რომელმაც განგვიცხადა, რომ საბუთებს გადახედავდა და კანონის ფარგლებში ერთი კვირის განმავლობაში ხელფასის ჩარიცხვას დაგვპირდა. სატელეფონო მუდმივი კომუნიკაცია გვქონდა და გვპირდებოდნენ, რომ თანხას მალე აგვინაზღაურებდნენ. ჩვენ, გონიოში საკანალიზაციო სისტემას გასული წლის ზაფხულში ვაკეთებდით ამ კომპანიის ხელმძღვანელობით. ვითხოვთ, რომ დროულად ჩაგვირიცხონ თანხა. ასეთ სიტუაციაში 25-მდე მუშა ვართ. ვაპირებთ, ჩვენი უფლებებისთვის სამართლებრივად ვიბრძოლოთ. გვაქვს ხელშეკრულებები“, -აცხადებს აქციის მონაწილე რევაზ გობაძე.
შპს „ჯორჯიან ბილდინგ პლუსის“ ერთ-ერთი მეწილე ილია ბაღათურია აჭარის ტელევიზიასთან სატელეფონო ინტერვიუში განაცხადა, რომ ეს ადამიანები მასი ხელმძღვანელობის პერიოდში არ მუშაობდნენ. ჩატარებული სამუშაოების დროს ის დირექტორი არ იყო. მან დაამატა, რომ ყოფილი ხელმღვანელი, რომელიც თურქეთის მოქალაქეა, მოიპარა ფირმის, დანადგარის საბუთები და ფირმის ბეჭედი.
„მე ამაზე პასუხს არ ვაგებ. სულ 8 ადამიანი იყო, ორმა მათგანმა ხელფასი რომ მთხოვა, კონტრაქტი კი არა, საკუთარი პასპორტიც კი არ გააჩნდა. კანონიერად როგორ გავცე ხელფასი იმ ადამიანზე, რომელსაც არანაირი ხელშეკრულება არ აქვს. მე, როგორც ახალი დირექტორი, როგორ ავანაზღაურებ ამ თანხას? ვისაც აქვს საბუთი, წარმოადგინონ და მიიღებენ თანხას. ამ დრომდე რატომ არ მიმართეს სასამართლოს?“- აცხადებს, შპს „ჯორჯიან ბილდინგი პლუსის“ მეწილე ილია ბაღათურია.
აჭარის ტელევიზიის ინფორმაციით, აქციის რამდენიმე მონაწილემ ბათუმის საქალაქო სასამართლოს მიმართა.
ანა მებურიშვილი