სამართალი

გურამ რჩეულიშვილი პატიმრობიდან გათავისუფლდა

სამშენებლო კომპანია ცენტრ პოინტის გენერალური დირექტორი გურამ რჩეულიშვილი პატიმრობიდან გათავისუფლდა.

შესაბამისი გადაწყვეტილბა მოსამართლემ მიიღო.

ცენტრ პოინტის „ბათუმის მაგნოლიას“ ეპიზოდზე ბრალდებულ გურამ რჩეულიშვილს, პატიმრობის აღკვეთის ღონისძიება 30 ათას ლარიანი გირაოთი შეეცვალა.

გარდა ამისა, სასამართლომ ბრალდების მხარის შუამდგომლობა დააკმაყოფილა და რჩეულიშვილს პირადობის მოწმობა და საქართველოს პასპორტი ჩამოართვა.

სასამართლომ გირაოს თანხის გადახდის ვადად ათი დღე განსაზღვრა.

გურამ რჩეულიშვილი გლდანის საპატიმროს ტექნიკური პროცედურების გავლის შემდეგ, სავარაუდოდ, რამდენიმე საათში დატოვებს.

12 აპრილს გურამ რჩეულიშვილს „ბათუმის მაგნოლიას“ ეპიზოდზე შეფარდებული აღკვეთის ღონისძიების 9-თვიანი ვადა ეწურებოდა, თუმცა მოსამართლემ საკითხსზე დღეს იმსჯელა.

მონიკა დავლიანიძე