უახლესი ამბები
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
- 26.04.2024 12:3029 აპრილს რუსთაველზე დგომა არის ისტორიული სირცხვილი - ზურაბ ჯაფარიძე
- 26.04.2024 12:22საქართველოს ევროინტეგრაცია ვერც მიხეილ სააკაშვილის თავისუფლებაზე და ვერც ივანიშვილის დასანქცირებაზე ან ვიღაცების დასანქცირებაზე ვერ გაივლის -გიორგი გახარია
- 26.04.2024 11:41საქართველოს ბანკის მხარდაჭერით G&A ჯგუფი საწარმოო ხაზსა და სიმძლავრეებს აფართოებს
- 26.04.2024 08:54ვეღარ ვივლით ევროპაში უვიზოდ, როდესაც ქვეყანას, რუსული წესებით მართავს რუსული ხელისუფლება - ნიკა მელია
არქივი
პოლიტიკა
გვაქვს ამბიციური გეგმა ევროპის საბჭოსთან გადავიდეთ მონიტორინგის ეტაპიდან პოსტმონიტორინგის ეტაპზე - ირაკლი კობახიძე
პარლამენტის თავმჯდომარის ირაკლი კობახიძის განცხადებით, საქართველოს აქვს ამბიციური გეგმა, რომ ევროპის საბჭოსთან მონიტორინგის ეტაპიდან პოსტმონიტორინგის ეტაპზე გადავიდეს.
ამის შესახებ კობახიძემ სტრასბურგში განაცხადა, სადაც სამდღიანი სამუშაო ვიზიტით იმყოფება.
ვიზიტის ფარგლებში პარლამენტის თავმჯდომარემ უკვე გამართა შეხვედრა ევროპის საბჭოს საპარლამენტო ასამბლეის გენერალურ მდივანთან.
კობახიძის თქმით, გამართულ შეხვედრაზე საუბრის ძირითადი თემა საკონსტიტუციო რეფორმა იყო.
როგორც ირაკლი კობახიძემ აღნიშნა, მას აქვს ძალიან მკაფიო პასუხები იმ კითხვებთან დაკავშირებით, რომლებიც არსებობს საკონსტიტუციო რეფორმასთან დაკავშირებით.
„განვიხილეთ საქართველოში მიმდინარე პროცესები, რეფორმები, რომელიც ხორციელდება. განსაკუთრებული ყურადღება დავუთმეთ საკონსტიტუციო რეფორმას. დეტალებში მიმოვიხილეთ ეს საკითხი, ასევე გვქონდა საუბარი სხვა მიმართულებით, განსახორციელებელ რეფორმებზე.
ჩვენ გვაქვს ამბიციური მიზანი, რომელიც დაკავშირებულია ევროპის საბჭოსთან ჩვენს თანამშრომლობასთან და ეს ამბიციური გეგმა გულისხმობს იმას, რომ ჩვენ გვინდა გადავიდეთ მონიტორინგის ეტაპიდან პოსტმონიტორიგნის ეტაპზე და ამისათვის ძალიან აქტიურად ვიმუშავებთ.
ჩვენ გვაქვს ძალიან მკაფიო პასუხები იმ კითხვებთან დაკავშირებით, რომლებიც არსებობს ძალიან წარმატებულ საკონსტიტუციო რეფორმასთან დაკავშირებით და ამ ყველაფერზე გვექნება დეტალური საუბარი ჩვენს ევროპელ მეგობრებთან.
წარმატებული რეფორმის შეჩერება იქნება არასწორი, ეს არის წარმატებული რეფორმა, რომელიც ხორციელდება წარმატებით და რომელიც წარმატებით იქნება ბოლომდე მიყვანილი შემოდგომაზე“,-აღნიშნა პარლამენტის თავმჯდომარემ.
მონიკა დავლიანიძე