უკან

უახლესი ამბები

დღის კალენდარი

ანონსები

არქივი

სამართალი

11 იანვარი, 2017 13:00
font-size

ჰააგის სასამართლოს მიერ 2008 წლის ომის გამოძიების დაწყება არ ნიშნავს, რომ საქართველოს ხელისუფლება გათავისუფლებულია ამავე ვალდებულებისგან - რეკომენდაცია

ადამიანის უფლებათა ცენტრი (HRIDC), ნორვეგიის ჰელსინკის კომიტეტი (NHC) და ადამიანის უფლებათა საერთაშორისო ფედერაცია (FIDH) საქართველოს მთავარ პროკურატურას მოუწოდებს, გადადგას კონკრეტული ნაბიჯები 2008 წლის აგვისტოს ომის დანაშაულების გამოძიების მიმართულებით.

როგორც ორგანიზაციების ერთობლივ განცხადებაშია ნათქვამი, საქართველოს მთავარმა პროკურატურამ უნდა დაიწყოს ან განაახლოს კომუნიკაცია დაზარალებულებთან, მიაწოდოს მათ ინფორმაცია გამოძიების მიმდინარეობისა და სტადიის შესახებ; ასევე, უზრუნველყოს დაზარალებულების ხელმისაწვდომობა საქმის მასალებზე, შესაბამისი უფლებამოსილების ფარგლებში; მსხვერპლებს, რომლებიც დღემდე არ არიან ცნობილი დაზარალებულებად, მიანიჭოს შესაბამისი სტატუსი; შეაგროვოს და გააანალიზოს დანაშაულის ამსახველი მტკიცებულებები; მოიძიოს ინფორმაცია სავარაუდო დამნაშავეთა დასადგენად და მათი ამჟამინდელი ადგილსამყოფელის შესახებ.

ადამიანის უფლებათა ცენტრი, ნორვეგიის ჰელსინკის კომიტეტი და ადამიანის უფლებათა საერთაშორისო ფედერაცია შეახსენებს საქართველოს ხელისუფლებას, რომ სისხლის სამართლის საერთაშორისო სასამართლოს მიერ გამოძიების დაწყება არ ნიშნავს, რომ საქართველოს ხელისუფლება გათავისუფლებულია ვალდებულებისაგან, გამოიძიოს 2008 წელს საქართველოს ტერიტორიაზე ჩადენილი დანაშაულები.

საერთაშორისო სისხლის სამართლის კომპლემენტარულობის პრინციპიდან გამომდინარე, საქართველოს ხელისუფლება ვალდებულია, შესაბამისი შესაძლებლობების ფარგლებში აწარმოოს გამოძიება. საქართველოს ხელისუფლების უმოქმედობა ომის დანაშაულების გამოძიების კუთხით არღვევს აღნიშნულ პრინციპს და მრავალი დაზარალებულის უფლებას.

„2016 წლის 21 დეკემბერს ადამიანის უფლებათა ცენტრის წარმომადგენლები იმყოფებოდნენ წეროვნის დევნილთა დასახლებაში, სადაც გაესაუბრნენ 2008 წლის აგვისტოს ომით დაზარალებულებს. მათ შორის იყვნენ ის პირები, რომელთა სახელითაც ადამიანის უფლებათა ცენტრმა 2015 წელს განცხადებით მიმართა სისხლის სამართლის საერთაშორისო სასამართლოს ჰააგაში, ომის დანაშაულების გამოძიების მოთხოვნით.

აღნიშნულმა ვიზიტმა ნათლად წარმოაჩინა, რომ ომის დანაშაულების გამოძიების კუთხით სახელმწიფოს მხრიდან მხოლოდ საწყისი, უმნიშვნელო სამუშაოებია ჩატარებული. წეროვანში მცხოვრებ დევნილებთან გასაუბრების შედეგად გამოიკვეთა, რომ საქართველოს ხელისუფლების საგამოძიებო ორგანოები არანაირ კომუნიკაციაში არ იმყოფებიან ომის შედეგად დაზარალებულებთან. მათთან საგამოძიებო ორგანოებს ურთიერთობა, სავარაუდოდ, ჰქონდათ მხოლოდ ერთხელ - 2008-2009 წლებში, როდესაც მოქალაქეებმა შეადგინეს პირველადი განცხადებები პროკურატურის ან პოლიციის სახელზე. ამის შემდეგ საგამოძიებო ორგანოებს დაზარალებულთათვის, არასოდეს მიუწოდებიათ ინფორმაცია, თუ რა სტადიაზეა გამოძიება და რა კონკრეტული მოქმედებები მიმდინარეობის ომის დანაშაულების გამოსაძიებლად. დაზარალებულის სტატუსის მქონე პირებმა არც კი იციან, აქვთ თუ არა მინიჭებული ეს სტატუსი პროკურატურის მიერ. ამის შესახებ მათ პირველად ადამიანის უფლებათა ცენტრისგან შეიტყვეს. ადამიანის უფლებათა ცენტრის ინტერესების დაცვის ქვეშ მყოფი 193 მოსარჩელიდან, დაზარალებულის სტატუსი მხოლოდ 32 ადამიანს აქვს. თუმცა, აღნიშნულ პირებსაც კი არ აქვთ საქმის მასალებზე ხელმისაწვდომობა.

დაზარალებულთა დიდ ნაწილს საერთოდ არ სმენია სისხლის სამართლის საერთაშორისო სასამართლოს შესახებ და არც ის იციან, რომ სასამართლოს დაწყებული აქვს 2008 წლის აგვისტოს ომის გამოძიება.

რომის სტატუტიდან გამომდინარე, სისხლის სამართლის საერთაშორისო სასამართლოს იურისდიქციას მიეკუთვნება „საერთაშორისო სამართლის ყველაზე სერიოზული დანაშაულები“, როგორიცაა - გენოციდი, კაცობრიობის წინააღმდეგ მიმართული დანაშაულები და ომის დანაშაულები. 2008 წლის აგვისტოს ომის დროს დაზარალებულთა ნაწილი კი, შესაძლოა, არ პასუხობდეს აღნიშნულ კრიტერიუმებს, მაგრამ მათ უმძიმესი ზარალი განიცადეს ომის შედეგად - დაუზიანდათ ჯანმრთელობა, დაკარგეს უძრავ-მოძრავი ქონება, საკუთრება და ა.შ“,-ნათქვამია განცხადებაში.

ამავე დოკუმენტის თანახმად, აღნიშნული სამუშაო მნიშვნელოვანი იქნება ასევე სისხლის სამართლის საერთაშორისო სასამართლოს გამოძიებისთვისაც, რომელიც თავის მხრივ, გეგმავს აქტიურ თანამშრომლობას საქართველოს მთავრობასთან და საგამოძიებო ორგანოებთან.

მონიკა დავლიანიძე

საკვანძო სიტყვები:

პოლიციამ ბათუმში მანქანის და მოპედის ქურდობის მცდელობის ფაქტებზე ორი პირი დააკავა

14 სექტემბერი, 2019 , 11:45

შინაგან საქმეთა სამინისტროს აჭარის პოლიციის დეპარტამენტის ბათუმის საქალაქო სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1995 წელს დაბადებული ა.ძ. და 1969 წელს დაბადებული მ.ბ. ქურდობ

გარემოს ზედამხედველობითი დეპარტამენტის თანამშრომელი ქრთამის მიცემის ფაქტზე დააკავეს

14 სექტემბერი, 2019 , 11:45

სახელმწიფო უსაფრთხოების სამსახურის ანტიკორუფციული სააგენტოს თანამშრომლებმა, გარემოს დაცვისა და სოფლის მეურნეობის სამინისტროსთან თანამშრომლობით, ჩატარებული ოპერატიულ-სამძებრო და საგამოძიებო მოქმედებების შედეგად, მოსამართლ

გენერალური პროკურატურა მამუკა ხაზარაძისთვის გაგზავნილ „მუქარის წერილზე“ განცხადებას ავრცელებს

13 სექტემბერი, 2019 , 17:20

გენერალური პროკურატურა „თიბისი ბანკის“ დამფუძნებლის, მამუკა ხაზარაძის მიერ გაკეთებულ განცხადებაზე, რომელიც „გიორგი გახარიას მიერ გაგზავნულ მუქარის წერილს“ შეეხება კიდევ ერთ განცხადებას ავრცელებს დ

ნიკანორ მელიას პროკურატურაში იბარებენ

13 სექტემბერი, 2019 , 13:20

საქართველოს გენერალური პროკურატურა "ნაციონალური მოძრაობის" დეპუტატ ნიკა მელიასთან დაკავშირებით განცხადებას ავრცელებს. "როგორც საზოგადოებისთვის ცნობილია, 2019 წლის 27 ივნისს, თბილისის საქალაქო სასამართლოს განჩინებით, ჯგუფ

სისხლიანი დაპირისპირება რუსთაველზე

13 სექტემბერი, 2019 , 12:55

შინაგან საქმეთა სამინისტროს ძველი თბილისის სამმართველოს თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, განზრახ მკვლელობის მცდელობის ბრალდებით, 2000 წელს დაბადებული ლ.კ. დააკავეს. გამოძ

დმანისში შუახნის მამაკაცი მოკლეს

13 სექტემბერი, 2019 , 12:50

დმანისში შუახნის მამაკაცი მოკლეს. გარდაცვლილს სასიკვდილო ჭრილობა ცეცხლსასროლი იარაღიდან აქვს მიყენებული. გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს. მკვლელობის მოტივ

პირდაპირი TV

daily calendar

ვიდეო გალერეა

ზაზა ოქუაშვილი ახალი მასშტაბური კორუფციული სქემის შესახებ საუბრობს