მსოფლიო

ილჰამ ალიევი აზერბაიჯანის საპრეზიდენტო არჩევნებში მეოთხედ იყრის კენჭს

მმართველი პარტია ,,ახალი აზერბაიჯანის“ მეექვსე ყრილობაზე მიღებული გადაწყვეტილებით, აზერბაიჯანის საპრეზიდენტო არჩევნებზე კანდიდატად ილჰამ ალიევი დარეგისტრირდა.

შესაბამისი გადაწყვეტილება ყრილობის დელეგატებმა ერთხმად მიიღეს.

56 წლის ალიევმა სამჯერ - 2003, 2008 და 2013 წლებში, გაიმარჯვა აზერბაიჯანის საპრეზიდენტო არჩევნებში. შესაბამისად, 2018 წლის 11 აპრილისთვის დაგეგმილ რიგგარეშე საპრეზიდენტო არჩევნებში ის მეოთხე ვადით იყრის კენჭს.

აზერბაიჯანული კანონმდებლობის მიხედვით, ერთსა და იმავე პირს უფლება აქვს შეუზღუდავი რაოდენობით იყაროს კენჭი პრეზიდენტის თანამდებობაზე.

ნინო ექვთიმიშვილი