უკან

რეგიონები

17 ივნისი, 2017 14:35
font-size

იმერეთი ნამდვილად არის საქართველოს განსაკუთრებული რეგიონი, განსაკუთრებული შესაძლებლობებით - გიორგი კვირიკაშვილი

უდიდესი გრძნობაა, როდესაც ჩვენი დიდი მწერლის, დავით კლდიაშვილის ეზოში დგახარ, იმერეთის ამ ულამაზეს სოფელში,- ასე მიმართა საქართველოს პრემიერ-მინისტრმა, გიორგი კვირიკაშვილმა თერჯოლაში, კერძოდ, სოფელ ზედა სიმონეთში მიმდინარე სახალხო ზეიმის მონაწილეებს.

როგორც პრემიერმა აღნიშნა, იმერეთი ნამდვილად არის საქართველოს განსაკუთრებული რეგიონი, განსაკუთრებული შესაძლებლობებით და ყველა შესაძლებლობა სათანადოდ უნდა იყოს გამოყენებული.

„მოხარული ვარ, რომ აქ ასეთი განწყობაა. უდიდესი გრძნობაა, როდესაც ჩვენი დიდი მწერლის, დავით კლდიაშვილის ეზოში დგახარ, იმერეთის ამ ულამაზეს სოფელში. მინდა, მოგესალმოთ, მადლობა ვუთხრა ყველას, ვინც დღეს ასეთი განწყობა შექმნა. მადლობა ელგუჯა გოცირიძეს და ახალგაზრდებს, რომლებმაც დიდი წვლილი შეიტანეს დღევანდელი დღის მოწყობაში.

იმერეთი ნამდვილად არის საქართველოს განსაკუთრებული რეგიონი, განსაკუთრებული შესაძლებლობებით და ჩვენი მოვალეობაა, ყველა ეს შესაძლებლობა სათანადოდ ავითვისოთ.

საქართველოს ინფრასტრუქტურული სივრცითი განვითარების პროგრამა მოიცავს ყველა რეგიონს, ყველა სოფელს და გულისხმობს იმას, რომ საქართველოს ყველა წერტილში უნდა იყოს ადვილი მისვლა და უნდა იყოს ხელმისაწვდომი ყველა ძირითადი მომსახურება, რომელსაც სახელმწიფო სთავაზობს.

იმერეთს აქვს განსაკუთრებული შესაძლებლობა ბევრი თვალსაზრისით, მაგრამ უპირველეს ყოვლისა, მისი გამორჩეული ადამიანებით და რა თქმა უნდა, გეოგრაფიული მდებარეობით. ის არის დამაკავშირებელი აღმოსავლეთისა და დასავლეთის, ჩრდილოეთის და სამხრეთის“,- განაცხადა პრემიერმა.

გიორგი კვირიკაშვილის თქმით, ქუთაისი ყალიბდება, როგორც ცენტრი საქართველოსი, საიდანაც საქართველოს ნებისმიერ წერტილში ძალიან მარტივი იქნება მისვლა.

„ეს რა თქმა უნდა, გულისხმობს ყველა ადგილას, მათ შორის, ამ ულამაზეს ადგილას ტურიზმის შესაძლებლობის განვითარებას, რაც თავისთავად ნიშნავს საქართველოს ყველა ოჯახში უფრო მეტ შემოსავალს და უფრო წელგამართულ ქართულ ოჯახს. ეს არის ძალიან მნიშვნელოვანი და ჩვენ ნაბიჯ-ნაბიჯ სწრაფად ვახორციელებთ ამ პროგრამას“,- აღნიშნა პრემიერმა.

მისივე განცხადებით, თერჯოლაში 8 მილიონი ლარის პროექტები განხორციელდა - 26 კილომეტრი გზა მოეწყო, თანამედროვე სტანდარტების 5 ახალი საბავშვო ბაღი გაიხსნა, აღდგა გალერეა, საგამოფენო სივრცე,

თუმცა, კვირიკაშვილის თქმით, ეს ყველაფერი არ არის.

„ჩვენ წინ გვაქვს ძალიან საინტერესო პროგრამები. ყველაზე მთავარია ადამიანების მომზადება იმისთვის, რომ ახალგაზრდებმა ფეხი აუწყონ თანამედროვე ცხოვრებას და არა მხოლოდ ფეხი აუწყონ, არამედ საქართველოს მისცენ განვითარების ძალიან დიდი ბიძგი.

სწორედ ამიტომ, ჩვენ პირველ პრიორიტეტად გამოვაცხადეთ განათლების სისტემის განვითარება. ეს არის უმაღლესი განათლება იმ მიმართულებებში, რომელიც ჩვენი ქვეყნისთვის ყველაზე მნიშვნელოვანია და პროფესიული განათლების პრესტიჟის აღდგენა და განვითარება.

სახელმწიფო დღეს უზრუნველყოფს უფასო პროფესიულ განათლებას ყველასთვის, ვისაც ეს სჭირდება, მაგრამ რამდენიც არ უნდა ვისაუბროთ ინფრასტრუქტურულ პროექტებზე სხვადასხვა მიმართულებით, ყველაზე მთავარი მაინც არის ერთი რამ - ეს არის ადამიანების განწყობა და დამოკიდებულება ერთმანეთის მიმართ.

ამას ვხედავ დღეს მე ზედა სიმონეთში და ეს არის ყველაზე მთავარი, ჩვენმა ერმა, ქართველმა ხალხმა შეძლოს კონსოლიდაცია, ერთად დგომა, ერთმანეთის მეტი სიყვარული და ჩვენი ქვეყნის წინ წაწევა. ეს არის ყველაზე მთავარი.

დღევანდელი დღე ყველაზე მნიშვნელოვანია. მნიშვნელოვანია ის დახარჯული თანხები და ინფრასტრუქტურის განვითარება, მაგრამ ჩვენ ადამიანების გულები თუ არ გავაერთიანეთ, ვერანაირ შედეგს ვერ მივიღებთ.

გამართული ინფრასტრუქტურა, აღორძინებული ადგილობრივი ტრადიციული წარმოებები და მომზადებული ადამიანები და ამ ყველაფერთან ერთად ადამიანების განწყობა და ერთმანეთისადმი სიყვარული არის ის, რაც ჩვენს ქვეყანას გადაარჩენს. სწორედ ამიტომ ვართ დღეს ჩვენ აქ და სწორედ ამიტომ არის დღევანდელი დღე მნიშვნელოვანი.

კიდევ ერთხელ გილოცავთ დღევანდელ დღეს და იმ ამაღლებულ განწყობას, რომელიც ყველა ჩვენგანს დღეს აქ გააჩნია“,- განაცხადა პრემიერმა.

გორში ორ ქვესადგურს მეხი დაეცა

18 ივნისი, 2018 , 21:11

გორის მუნიციპალიტეტში ათასობით აბონენტს ელექტროენერგიის მიწოდება შეუწყდა. ამის მიზეზი ძლიერი ჭექა-ქუხილი გახდა, რა დროსაც მწყობრივად ორი ქვესადგური გამოვიდა. ამის შესახებ ინფორმაციას შიდა ქართლის საინფორმაციო ცენტრი ავრც

ფსიქოტროპული წამლები ურეცეპტოდ - ბათუმში აფთიაქის დალუქვას ითხოვენ

18 ივნისი, 2018 , 16:50

კორუფციასთან ბრძოლის საინფორმაციო ცენტრის ხელმძღვანელი, ყოფილი პატიმარი მერაბ ღოღობერიძე ბათუმში ერთ-ერთი აფთიაქის დახურვას ითხოვს. ამის შესახებ ინფორმაციას „რუსთავი2“ ავრცელებს. ღოღობერიძის განცხადებით, ქალა

ვაზზე სელექციური სამუშაოები განახლდა

18 ივნისი, 2018 , 16:50

სელექციური პროგრამის ფარგლებში, სოფლის მეურნეობის სამეცნიერო-კვლევითი ცენტრის სპეციალისტებმა და შვეიცარიელმა სელექციონერმა, ვალენტინ ბლატნერმა ვაზზე სოკოვანი დაავადებების მიმართ რეზისტენტული ჯიშების გამოვლენის სამუშაოები

ნაციონალური მოძრაობის დეპუტატებმა ოზურგეთში შიმშილობა დაიწყეს

18 ივნისი, 2018 , 15:05

ნაციონალური მოძრაობის დეპუტატებმა ოზურგეთში პროტესტის ნიშნად შიმშილობა დაიწყეს. აქციის მონაწილეები ენმ-ის საკრებულოს დეპუტატის, ბესიკ ქათამაძეზე განხორციელებულ ფიზიკურ ძალადობაში მონაწილე დეპუტატების დასჯას მოითხოვენ. მა

ოზურგეთში ენმ საპრიოტესტო აქციას მართავს

18 ივნისი, 2018 , 14:20

ოზურგეთში საპროტესტო აქცია მიმდინაერეობს. ნაციონალური მოძრაობის წევრის, ბესიკ ქათამაძის მიმართ ოზურგეთის საკრებულოს დეპუტატების მიერ განხორციელებული ძალადობის გამო აქციის მონაწილეები, სამანდატო კომისიის შეკრებას და ინციდ

ენის შემწავლელი კურსები აჭარის სხვა მუნიციპალიტეტებშიც გაგრძელდება

18 ივნისი, 2018 , 14:20

კურორტ გოდერძიზე უცხოელ ტურისტებთან კომუნიკაციის გამარტივების მიზნით დაწყებული ინგლისური ენის კურსები დასრულდა. აჭარის ტურიზმის დეპარტამენტმა „ტურიზმის განვითარების სკოლის“ ფარგლებში კურორტზე და მის მიმდებარე

ვიდეო გალერეა

ინტერვიუ ვანიჩკასთან - ნატო ჩხეიძე