უკან

უახლესი ამბები

დღის კალენდარი

ანონსები

არქივი

პოლიტიკა

16 იანვარი, 2018 12:45
font-size

ირაკლი კობახიძე დელეგაციასთან ერთად ოფიციალური ვიზიტით ლატვიის რესპუბლიკაში იმყოფება

საქართველოს პარლამენტის თავმჯდომარე, ირაკლი კობახიძე, რომელიც დელეგაციასთან ერთად ოფიციალური ვიზიტით ლატვიის რესპუბლიკაში იმყოფება, ქვეყნის საკონსტიტუციო სასამართლოს თავმჯდომარეს, ინეტა ზიემელეს შეხვდა.

საქართველსო პარლამენტის ინფორმაციით, შეხვედრაზე საქართველოში განხორციელებული საკონსტიტუციო რეფორმის შესახებ ისაუბრეს. ირაკლი კობახიძემ ინეტა ზიემელეს რეფორმის შინაარსი და ძირითადი არგუმენტები გააცნო. საქართველოს პარლამენტის თავმჯდომარის თქმით, საკონსტიტუციო ცვლილებები მნიშვნელოვანი კომპონენტია სტაბილურობისა და ევროპული და ევროატლანტიკური ინტეგრაციის პროცესში წარმატებების მისაღწევად.

„საკონსტიტუციო სასამართლოს თავმჯდომარესთან საუბარი გვქონდა სხვადასხვა საკითხზე. გავეცანით ლატვიის საკონსტიტუციო სასამართლოს მუშაობის პრაქტიკას, ასევე ვისაუბრეთ ქართულ პრაქტიკაზე. განვიხილეთ საქართველოში განხორციელებული საკონსტიტუციო რეფორმა. შედგა ძალიან საინტერესო დისკუსია ამ საკითხებთან დაკავშირებით“, - განაცხადა შეხვედრის დასრულების შემდეგ ირაკლი კობახიძემ.

საქართველოს პარლამენტის დელეგაციის შემადგენლობაში დეპუტატები: თამარ ხულორდავა, ეკა ბესელია, აკაკი ზოიძე, ვანო ზარდიაშვილი, ბექა ოდიშარია, რამაზ ნიკოლაიშვილი და საქართველოს პარლამენტის თავმჯდომარის კაბინეტის უფროსი ნიკოლოზ სამხარაძე შედიან.

იურიდიულ საკითხთა კომიტეტის თავმჯდომარის, ეკა ბესელიას შეფასებით, შეხვედრები, რომლებსაც ლატვიის რესპუბლიკაში ოფიციალური ვიზიტით მყოფი საქართველოს პარლამენტის თავმჯდომარე მართავს, ქვეყნებს შორის ურთიერთობას აძლიერებს.

იურიდიულ საკითხთა კომიტეტის თავმჯდომარემ ვიზიტის პირველი დღე ჟურნალისტებთან საუბრისას შეაფასა და განაცხადა, რომ ლატვიის საკონსტიტუციო სასამართლოს თავმჯდომარესთან გამართულ შეხვედრას საქართველოში მიმდინარე საკონსტიტუციო რეფორმის ფონზე განსაკუთრებული მნიშვნელობა აქვს.

„ვიზიტი ძალიან მნიშვნელოვანია როგორც პოლიტიკური თვალსაზრისით, ასევე სტრატეგიული თანამშრომლობის კუთხით. საკონსტიტუციო სასამართლოს თავმჯდომარესთან შეხვედრა ძალიან მნიშვნელოვანია, განსაკუთრებით, იმ ფონზე, როდესაც ჩვენს ქვეყანაში საკონსტიტუციო რეფორმა მიმდინარეობს და ბოლო პერიოდში გაძლიერდა საკონსტიტუციო სასამართლოს როლი და მნიშვნელობა. გადაწყვეტილებების სიმრავლე, მიმართვიანობის მაღალი რაოდენობა ადასტურებს სასამართლოსადმი ნდობას და ამ თემაზე გვქონდა საინტერესო გაცვლა ინფორმაციების, ასევე, გავცვალეთ ინფორმაცია ჩვენი საკონსტიტუციო სასამართლოსა და ლატვიის საკონსტიტუციო სასამართლოს მუშაობის თაობაზე“, - განაცხადა ეკა ბესელიამ.

ნინო გოგუაძემ ევროპის საბჭოში ლუგარის ლაბორატორიის შესახებ გავრცელებული დეზინფორმაციის შესახებ ისაუბრა

24 იანვარი, 2019 , 11:45

პოლიტიკოსები, სამოქალაქო საზოგადოება ეძებს გზებს, როგორ გაუმკლავდეს დეზინფორმაციის იმ ნიაღვარს, რომელიც საზოგადოებაში მხოლოდ შიშის, უიმედობის, დესტაბილიზაციის გამომწვევია. რუსეთის მიერ ლუგარის ლაბორატორიის შესახებ გავრცე

სალომე ზურაბიშვილი ბრიუსელში ნატო-საქართველოს კომისიის სხდომას დაესწრო

24 იანვარი, 2019 , 11:15

სალომე ზურაბიშვილმა ბრიუსელში, პირველი სამუშაო ვიზიტი, ნატო-საქართველოს კომისიის სხდომაზე დასწრებით დაასრულა, რომელიც ნატო-ს წევრი სახელმწიფოების მუდმივი წარმომადგენლების დონეზე გაიმართა. „ნატო-ს საბჭოზე საქართველო

საპარლამენტო უმრავლესობა დღეს სხდომას გამართავს, რომელსაც ბიძინა ივანიშვილიც დაესწრება

24 იანვარი, 2019 , 10:45

„ქართული ოცნების“ ცენტრალურ ოფისში საპარლამენტო უმრავლესობის სხდომა გაიმართება. შეხვედრაზე, რომელსაც პარტიის თავმჯდომარე ბიძინა ივანიშვილიც დაესწრება, განხილვის მთავარი თემა მოსამართლეთა საკითხი იქნება. სხდომ

ევროსაბჭოში მიღებულ „მაგნიტსკის სიას“ „ქართულმა ოცნებამ“ მხარი არ დაუჭირა - სერგი კაპანაძე

23 იანვარი, 2019 , 16:48

საქართველოს პარლამენტის ვიცე-სპიკერი სერგი კაპანაძე „ქართული ოცნებისგან“ განმარტებას ითხოვს, თუ რატომ არ დაუჭირა მხარი ევროსაბჭოში მიღებულ „მაგნიტსკის სიას“. მისის თქმით, ევროსაბჭოში, საპარლამენტო

მთავრობა საქართველოს რეგიონულ ჰაბად გადაქცევას ცდილობს - მამუკა ბახტაძე

23 იანვარი, 2019 , 16:45

საქართველო რუსეთის ოკუპაციას დემოკრატიის კონსოლიდაციითა და ეკონომიკის განვითარებით პასუხობს, – ეს განცხადება საქართველოს პრემიერ-მინისტრმა, მამუკა ბახტაძემ, CNBC-თან ინტერვიუში გააკეთა. „სამწუხაროდ, რუსეთი სა

ჩვენი ისტორიული ფესვები და ჩვენი მომავალიც ევროპულია - მამუკა ბახტაძე

23 იანვარი, 2019 , 15:11

საქართველო წარმოადგენს კარიბჭეს ზღვაზე გასასვლელის არმქონე 8 ქვეყნისთვის ძალიან მნიშვნელოვან რეგიონში, რომელიც მომდევნო წლების განმავლობაში მთელი ევრაზიის კონტინენტის ეკონომიკური ზრდის მთავარი მამოძრავებელი ძალა გახდება,

ვიდეო გალერეა

შეტევა ტელეკომპანია `იბერიასა` და `ომეგა ჯგუფზე`