უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
- 26.04.2024 15:32მინდა ვთხოვო და მოვუწოდო ყველა მასწავლებელს - უთხრან არა საქართველოს რუსიფიკაციას და ევროკავშირისგან დაშორებას - ნანა ტოხვაძე
- 26.04.2024 15:1930 წელი მივდიოდით ერთი მიმართულებით და ახლა აღმოჩნდა, რომ უნდა წავიდეთ სხვა მხარეს, რაც, ჩემი აზრით, არ წაადგება ჩვენი ქვეყნის პერსპექტივებს - თედო ჯაფარიძე
- 26.04.2024 14:12თბილისიდან-ბათუმამდე მგზავრობა 3 საათსა და 30 წუთში იქნება შესაძლებელი
- 26.04.2024 12:59საქართველოს მოსახლეობის რაოდენობა შემცირდა - საქსტატი
- 26.04.2024 12:54The Digital Banker-მა საქართველოს ბანკი საუკეთესო ციფრული სამომხმარებლო გამოცდილების მქონე ბანკად დაასახელა საქართველოში
- 26.04.2024 12:40სპეციალურმა საგამოძიებო სამსახურმა იძულების ფაქტზე შინაგან საქმეთა სამინისტროს თანამშრომელი ამხილა
არქივი
პოლიტიკა
ირაკლი კობახიძემ ბიუროს წევრებს ახალი საკანონმდებლო ინიციატივები გააცნო
პარლამენტის თავმჯდომარემ, ირაკლი კობახიძემ ბიუროს წევრებს ახალი საკანონმდებლო ინიციატივები გააცნო.
დეპუტატებმა სამი საერთაშორისო ხელშეკრულების: „საქართველოსა და ევროპის საინვესტიციო ბანკს შორის ფინანსური ხელშეკრულება (საქართველოს მუნიციპალური ინფრასტრუქტურის აღდგენა)“; „საქართველოსა და ევროპის საინვესტიციო ბანკს შორის ფინანსური ხელშეკრულება (საქართველოს სატრანსპორტო კომუნიკაცია)“ და „საქართველოსა და ევროპის საინვესტიციო ბანკს შორის ფინანსური ხელშეკრულება (საქართველოს სოფლის მეურნეობის პროდუქციის წარმოების /გადამუშავების/ რეალიზაციის ჯაჭვი)“, რატიფიცირების საკითხზე იმსჯელეს, რომელიც ევროკავშირთან ასოცირების ხელშეკრულებითაა გათვალისწინებული.
პლენარულ სხდომაზე განსახილველ საკითხთა შორისაა „სახელმწიფო შესყიდვების კანონში“ შესატანი ცვლილებების შესახებ კანონპროექტი. ცვლილება ელექტრონული ტენდერის გამოცხადების ვადებთანაა დაკავშირებული და იმ საერთაშორისო რეგულაციების შესაბამისად ხორციელდება, რომელიც ქვეყანას ასოცირების ხელშეკრულებით აქვს ნაკისრი.
წარმოდგენილ საკანონმდებლო ინიციატივებზე ბიურომ წამყვანი და სავალდებულო კომიტეტები განსაზღვრა.
ბიუროს დღევანდელ სხდომაზე საორგანიზაციო საკითხებიც განიხილეს. დეპუტატებმა რამდენიმე კანონპროექტთან დაკავშირებით განხილვის ვადები განსაზღვრეს და ახალ საკანონმდებლო ინიციატივებს გაეცნენ.
რეგლამენტის თანახმად, ბიურომ მოისმინა და ცნობად მიიღო ინფორმაცია საპარლამენტო უმცირესობაში განხორციელებული ცვლილებების თაობაზე, რომლის თანახმად, საპარლამენტო უმცირესობის წევრები არიან ფრაქციებში „ევროპული საქართველო“ და „ევროპული საქართველო-უკეთესი მომავლისათვის“ გაწევრიანებული დეპუტატები. უმცირესობას დავით ბაქრაძე უხელმძღვანელებს.
საპროცედურო საკითხთა კომიტეტმა პარლამენტის ბიუროს ინფორმაცია მიაწოდა, რომ საპარლამენტო უმცირესობაში შემავალ ორ ფრაქციას სახელწოდება შეეცვალა. ფრაქცია „ნაციონალურ მოძრაობას“ სახელი გადაერქვა და ეწოდა „ევროპული საქართველო“, ფრაქციას სერგო რატიანი უხელმძღვანელებს. ხოლო ფრაქციას, „ნაციონალური მოძრაობა - საქართველოს წინსვლისთვის“, „ევროპული საქართველო - უკეთესი მომავლისთვის“ დაერქვა და მას ორი წევრი დაემატა.
ბიურომ ასევე ცნობად მიიღო დეპუტატის, რამაზ ნიკოლაიშვილის მიმართვა, რომლის თანახმადაც, რამაზ ნიკოლაიშვილი ფრაქცია „ევროპული საქართველოდან“ გავიდა. ის უმცირესობაში ე.წ. დამოუკიდებელ დეპუტატად რჩება.
ბიუროს სხდომაზე სერგი კაპანაძემ ბიუროს წევრებს მიაწოდა ინფორმაცია, რომ უმცირესობაში გაერთიანებული ფრაქციები, გაზპრომთან დაკავშირებით არსებულ კითხვებზე პასუხების გასაცემად და ინფორმაციის მისაღებად ფრაქციის სხდომაზე ენერგეტიკის მინისტრის დასწრებას ითხოვენ. სერგი კაპანაძის განცხადებით, მათ ამის თაობაზე ენერგეტიკის მინისტრს წერილობით უკვე მიმართეს.
დღის წესრიგით განხილული საკითხების შესახებ პარლამენტი საგაზაფხულო სესიაზე იმსჯელებს.