პოლიტიკა

ირაკლი კობახიძემ და „ქართული ოცნების“ ცხრა დეპუტატმა 22-25 ოქტომბერს სალომე ზურაბიშვილს 160 000 ლარი გადაურიცხეს

საქართველოს პარლამენტის თავმჯდომარემ, ირაკლი კობახიძემ და „ქართული ოცნების“ ცხრა დეპუტატმა მათ მიერ მხარდაჭერილ საპრეზიდენტო კანდიდატს, სალომე ზურაბიშვილს ოთხ დღეში 160 000 ათასი ლარი შესწირეს. დეპუტატებმა თანხა 22-25 ოქტომბერს გადარიცხეს.

დეპუტატებს შორის ზურაბიშვილს ყველაზე დიდი თანხა - 60 000 ლარი ბექა ოდიშარიამ შესწირა, 55 000 ლარი ზურაბიშვილს თეიმურაზ კოხრეიძესგან ერგო. ირაკლი კობახიძემ და ფეხბურთის ფედერაციის პრეზიდენტმა, დეპუტატმა ლევან კობიაშვილმა საპრეზიდენტო კანდიდატს 10 000- 10 000 ლარი გადაურიცხეს; გია ვოლსკიმ, ეკა ბესელიამ, ერეკლე ტრიპოლსკიმ, თემურ ჭკუასელმა და ირაკლი მეზურნიშვილმა - 4000-4000 ლარი. დეპუტატმა ისკო დასენმა ზურაბიშვილს 5000 ლარი შესწირა.

„ქართული ოცნების“ წევრებს შორის სალომე ზურაბიშვილისთვის გადარიცხული აქვთ დეპუტატებს - იოსებ მაკრახიძესა ( 50 000 ლარი) და ირაკლი ხახუბიას (60 000 ლარი).