უახლესი ამბები
- 19.04.2024 17:25ქოცებო, თქვე ნაცებო შეწყვიტეთ ეს მორიგი უსუსური გადაწყვეტილება, რომელიც 26 ოქტომბერს საპარლამენტო არჩევნებში თქვენი მარცხის შიშს ეფუძნება - „გახარია საქართველოსთვის“
- 19.04.2024 17:15ნარკოტიკული საშუალებების გასაღებასა და უკანონო შემოსავლის ლეგალიზაციაში 3 ბრალდებულს უვადო, ხოლო 2 ბრალდებულს 19 და 18 წლით თავისუფლების აღკვეთა მიესაჯათ
- 19.04.2024 16:23მშიშარმა და ლაჩარმა მდინარაძემ რომ ვერ გაბედა პასუხის გაცემა, პოლიცია დამასაია, უფრო სწორად “ძაღლობა” დამასია - ალეკო ელისაშვილი
- 19.04.2024 15:1420-22 აპრილს საქართველოს ზოგიერთ რაიონში სითბოს ფონზე ხანმოკლე წვიმაა მოსალოდნელი
- 19.04.2024 15:06ეს პროექტი არის უკან გადადგმული ნაბიჯი და ეწინააღმდეგება საქართველოს ევროატლანტიკურ ინტეგრაციას - ხავიერ კოლომინა
- 19.04.2024 14:26ძალიან ვწუხვარ ბატონი ალეკოს თემაზე, ძალიან ცუდი ფაქტია, რაც მოხდა, თუმცა რა მოხდა რეალურად, დაველოდოთ გამოძიებას - ვახტაგ გომელუარი
- 19.04.2024 12:33პარლამენტმა „საგადასახადო კოდექსში“ ცვლილებები მესამე მოსმენით მიიღო
- 19.04.2024 12:06საქართველოს ტერიტორიასა და მის ფარგლებს გარეთ მოქმედ პირთა გარკვეული ჯგუფი, 2023 წლის ოქტომბერ-დეკემბერში საქართველოში გეგმავდა დესტაბილიზაციას და სამოქალაქო არეულობის მოწყობას, რომლის საბოლოო მიზანი ხელისუფლების ძალადობრივი გზით შეცვლა იყო - სუს-ის ანგარიში
- 19.04.2024 11:50დიდი ოდენობით თანხის მოტყუებით დაუფლების ფაქტზე ბრალდებულები სასამართლომ დამნაშავედ ცნო
- 19.04.2024 11:13მიხეილ სარჯველაძე გაერო-ს ბავშვთა ფონდის წარმომადგენელ იესპერ მოლერს შეხვდა
არქივი
საზოგადოება
„ისრაელის სახლს“ საქართველოს განათლებისა და კულტურის სამინისტრომ „მადლობის სიგელი“ გადასცა
საქართველოს განათლების, მეცნიერების, კულტურისა და სპორტის სამინისტროს ორგანიზებით, სიმონ ჯანაშიას სახელობის საქართველოს მუზეუმში ღონისძიება - „კულტურული მარშრუტები - საქართველო, ევროპა“ ჩატარდა.
ღონისძიებას საქართველოს პრეზიდენტი, განათლების, მეცნიერების, კულტურისა და სპორტის მინისტრი, პარლამენტარები, დიპლომატიური კორპუსის წარმომადგენლები, ევროსაბჭოს სერტიფიცირებული კულტურული მარშრუტების კურატორები, ეროვნული მიზეუმის ხელმძღვანელობა და კულტურის სფეროს წარმომადგენლები დაესწრნენ.
დამსწრე საზოგადოებას სიტყვით პრეზიდენტმა სალომე ზურაბიშვილმა მიმართა. მან ისაუბრა მსოფლიოსთვის საქართველოს გაცნობის საქმეში კულტურული მარშრუტების მნიშვნელობაზე და დასძინა, რომ „საქართველომ მსოფლიოს თავი კულტურული მემკვიდრეობითაც უნდა გააცნოს“.
განათლების, მეცნიერების, კულტურისა და სპორტის მინისტრის მოადგილემ ლევან ხარატიშვილმა სამინისტროს ინიციატივით მომზადებული მობილური აპლიკაციის პრეზენტაცია გამართა. აპლიკაცია, რომელშიც საქართველოს კულტურული მარშრუტებია მოცემული, შექმნილია ანდროიდ პლატფორმისთვის. მისი დახმარებით ნებისმიერ მსურველს შეეძლება თავად დაგეგმოს ვიზიტი სერტიფიცირებული კულტურული მარშრუტების ფარგლებში. მომდევნო ეტაპზე აპლიკაცია iOS პლატფორმისთვისაც მომზადდება.
ღონისძიებაზე, სერტიფიკატები და მადლობის სიგელები გადაეცათ საერთაშორისო და ახალი კულტურული მარშრუტების მმართველ ორგანიზაციებს, მათ შორის „ისრაელის სახლს“ (ხელმძღვანელი: იციკ მოშე) რომელიც 2017 წლიდან ევროსაბჭოსთან არსებული ებრაული კულტურული მემკვიდრეობის დაცვისა და ხელშეწყობის ევროპული ასოციაციის (AEPJ) წევრია და საქართველოში ებრაული კულტურული მემკვიდრეობის მარშრუტს კურირებს. „ისრაელის სახლის“ წარმომადგენელს გიორგი ბერნშტეინს „მადლობის სიგელი“ განათლების, მეცნიერების, კულტურისა და სპორტის მინისტრის მოადგილემ ლევან ხარატიშვილმა გადასცა.
ღონისძიებაზე ასევე, მოეწყო ევროსაბჭოს მიერ საქართველოსთვის პირველად მომზადებული კულტურული მარშრუტების ეროვნული კვლევის ანგარიშის პრეზენტაცია.
2021 წელს, საქართველო ევროპის საბჭოს ყოველწლიურ მე-11 ფორუმს უმასპინძლებს. საქართველოს პრეზიდენტმა მასპინძელ ქალაქად ქუთაისი დაასახელა.
დაჯილდოებას იერუსალიმიდან გამოეხმაურა „ისრაელის სახლის“ ხელმძღვანელი იციკ მოშე. მისი თქმით, წელს, მარტში „ისრაელის სახლის“ ინიციატივით, ევროსაბჭოსთან არსებული ებრაული კულტურული მემკვიდრეობის დაცვისა და ხელშეწყობის ევროპული ასოციაციის (AEPJ გენერალური ასამბლეა თბილისში ჩატარდა, გაისად ებრაულ თემატიკასთან დაკავშირებით კიდევ ორი საერთაშორისო ფორუმის ჩატარებაა დაგეგმილი თბილისში, რაც კიდევ უფრო გააძლიერებს საქართველო-ისრაელისა და საქართველო-მსოფლიო ებრაელობის კავშირებს.