უკან

უახლესი ამბები

დღის კალენდარი

ანონსები

არქივი

საზოგადოება

7 მაისი, 2019 17:11
font-size

„ისრაელის სახლისა“ და სარას ფონდის თაოსნობით უნივერსიტეტში ისრაელის კაბინეტი გაიხსნა

ისრაელის კვირეულის ფარგლებში, „ისრაელის სახლის“ თაოსნობითა და სარას ბენ შემეშის ფონდის მხარდაჭერით, საქართველოს უნივერსიტეტში ისრაელის კაბინეტი გაიხსნა.

კაბინეტი ისრაელელი პედაგოგის სარა ბენ შემეშის სახელობისაა. მის გახსნას დაესწრნენ „ისრაელის სახლის“ ხელმძღვანელი იციკ მოშე, სარა ბენ შემეშის ფონდის დამაარსებელი რეუვენ ბენ შემეში, ისრაელის ქნესეთის ყოფილი ვიცე-სპიკერი ხილიკ ბარი, ისრაელის მთავრობის ეკონომიკური ბლოკის წარმომადგენელი აქრამ ხასონი, უნივერსიტეტის პრეზიდენტი გიული ალასანია, უნივერსიტეტის ისტორიის დეპარტამენტის ხელმძღვანელი, პროფ.ცირა ჩიკვაიძე, სარა ბენ შემეშის ოჯახის წევრები, ნათესავები, უნივერსიტეტის სტუდენტები.

ისრაელის კაბინეტი აღჭურვილია მონიტორებით, სადაც ებრაელი ხალხის ისტორიის უმნიშვნელოვანესი მოვლენების, კერძოდ, ისრაელის სახელმწიფოს დამოუკიდებლობის გამოცხადების, ჰოლოკოსტის, ალიისა და ისრაელის სახელმწიფოს მიერ ბოლო ათწლეულებში მიღწეული წარმატებების ამსახველი კადრები გადის. შუშის სპეციალურ დაფებზე კი მოთხრობილია ისრაელის ისტორია ებრაელთა მამამთავრიდან, აბრაამიდან დღემდე. ცალკე დაფაზე განთავსებულ მონიტორზე გადის სარა ბენ შემეშის ბიოგრაფიის ამსახველი ვიდეოკადრები და ტექსტი.

უნივერსიტეტის ისტორიის დეპარტამენტის ხელმძღვანელის ცირა ჩიკვაიძის განცხადებით, ისრაელის კაბინეტში ებრაისტიკის ლექციები ჩატარდება.

კაბინეტის გახსნაზე დამსწრე სტუმრებს სიტყვით მიმართა ისრაელის სახლის ხელმძღვანელმა, იციკ მოშემ. მისი თქმით, „სახლის“ საქმიანობის მთავარი მიმართულებაა, მეგობარ ქვეყანას - საქართველოს გააცნოს ნამდვილი ისრაელი. ისრაელის კაბინეტი სწორედ ამ მიზანს ემსახურება. აქ ქართველი სტუდენტები მიიღებენ ამომწურავ და ზუსტ ინფორმაციას ისრაელის და ებრაელი ხალხის განვლილი გზისა და დღევანდლობის შესახებ.

იციკ მოშემ ისრაელის კაბინეტს ცოტა ხნის წინათ „ისრაელის სახლის“ მიერ გამოცემული წიგნი „შეჭრა საბჭოთა კავშირში“ გადასცა. წიგნი დიდი საბჭოთა ალიის შესახებ მოგვითხრობს.

ისრაელის კაბინეტის გახსნას მიესალმნენ ისრაელის ქნესეთის ყოფილი ვიცე-სპიკერი, ახლო აღმოსავლეთში სამშვიდობო კონცეფციის ავტორი ხილიკ ბარი და ისრაელის მთავრობის წარმომადგენელი აქრამ ხასონი.

კაბინეტის გახსნის შემდეგ, ისრაელის დელეგაციის წევრებმა და „ისრაელის სახლის“ ხელმძღვანელმა უნივერსიტეტის ფოიეში ჰოლოკოსტის მსხვერპლთა გამოფენა დაათვალიერეს და ჰოლოკოსტის მსხვერპლი 6 მილიონი ებრაელის ხსოვნის ნიშნად ექვსი სანთელი აანთეს.

ორი დღის შემდეგ, საქართველოს უნივერსიტეტს ისრაელის ქნესეთის სხვა დელეგაციაც ეწვია. დელეგაცია ისრაელის კვირეულს ქნესეთის სხდომის გამო დაგვიანებით შეუერთდა. მის შემადგენლობაში იყვნენ მმართველი პარტია ლიქუდის ერთ-ერთი ლიდერი, ქნესეთში კოალიციის ხელმძღვანელი დავიდ ბიტანი, ქნესეთის ყოფილი ვიცე-სპიკერი ნავა ბოკერი, ქალაქ რიშონ ლეციონის ვიცე-მერი იოსი ხამამი, ცნობილი ანალიტიკოსი არიელ ბულშტეინი და მმართველი პარტია „ლიქუდის“ რეგიონული ბიუროების ხელმძღვანელები. დელეგაციის ხელმძღვანელმა დავიდ ბიტანმა უნივერსიტეტის ხელმძღვანელობის შეთავაზებით, ხელი მოაწერა ე.წ. სტოკჰოლმის დეკლარაციას, რომელიც სკოლებსა და უნივერსიტეტებში ჰოლოკოსტის სწავლებას უკავშირდება. მანვე უნივერსიტეტის სპეციალურ წიგნში ჩანაწერი გააკეთა.

ცნობისთვის: ისრაელის კვირეული 30 აპრილს „ისრაელის სახლისა“ და საქართველო-ისრაელის ბიზნესპალატის თაოსნობით დაიწყო. კვირეულის ფარგლებში, ისრაელიდან 100 ბიზნესმენის, ქნესეთის წევრებისა და საქართველოს მთავრობის წარმომადგენელთა მონაწილეობით უკვე გაიმართა საქართველო-ისრაელის ბიზნესფორუმი, 1 მაისს, ჰოლოკოსტის მსხვერპლთა ხსოვნის დღეს, რუსთაველის თეატრში გაიმართა ჰოლოკოსტის ხსოვნის საღამო, რომელსაც პარლამენტის თავმჯდომარე ირაკლი კობახიძეც ესწრებოდა. ისრაელის დელეგაციის მონაწილეობით შეხვედრები გაიმართა, აგრეთვე, „ისრაელის სახლსა“ და ქართულ უნივერსიტეტებში. კვირეულის ერთ-ერთი ცენტრალური ღონისძიება იყო საქართველო-ისრაელის ბიზნესპალატის ინიციატივით თბილისის ცენტრში აშენებული ხუთვარსკვლავიანი სასტუმროს - ვინდჰამ გრანდის გახსნის ცერემონია, რომელსაც პრემიერ- მინისტრი მამუკა ბახტაძე, თბილისის მერი კახა კალაძე, ეკონომიკის მინისტრი ნათია თურნავა და ისრაელის დელეგაცია ესწრებოდნენ.

თენგიზ ცერცვაძე სტაციონარიდან სახლში გაეწერა

28 ნოემბერი, 2020 , 17:47

თენგიზ ცერცვაძე სტაციონარიდან სახლში გაეწერა, მისი ჯანმრთელობის მდგომარეობა სტაბილურია. ამის შესახებ ინფორმაციას ინფექციური პათოლოგიისა და შიდსის ცენტრი ავრცელებს. მათივე ინფორმაციით, თენგიზ ცერცვაძე კოვიდინფიცირებიდან მ

ქართული ოცნების რეპრესიული მანქანა კვლავინდებურად აგრძელებს მშვიდობიანი მოქალაქეების დევნას და დაპატიმრებას - “ლელო საქართველოსთვის“

28 ნოემბერი, 2020 , 17:15

„ლელო საქართველოსთვის“ ქალთა საბჭო სრულ სოლიდარობას უცხადებს სამოქალაქო აქტივისტებს ნათია ლეთოდიანს და შუშანა მაცაბერიძეს, რომლებიც დღეს, 28 ნოემბერს პარლამენტის წინ საპროტესტო აქციის მსვლელობისას დააკავეს, ს

პარლამენტთან და საგარეოსთან ნამგალი და ურო დახატეს - დაკავებულია ორი პირი

28 ნოემბერი, 2020 , 16:25

"ევროპული საქართველოს" ერთ-ერთმა ლიდერმა, ელენე ხოშტარიამ, "ერთიანი ნაციონალური მოძრაობის" ერთ-ერთ ლიდერთან ხატია დეკანოიძესთან და სამოქალაქო აქტივისტებთან ერთად საპროტესტო აქცია-პერფორმანსი გამართეს. მათ საგარეო საქმეთა

რაზე ესაუბრა ზურაბ აბაშიძე კარასინს

28 ნოემბერი, 2020 , 16:25

პრაღის ფორმატი, სადაც მიმდინარეობს არაფორმალური დიალოგი რუსეთის მხარესთან, შექმნილია უმთავრესად პრაქტიკული საკითხების - სავაჭრო-ეკონომიკური ურთიერთობების, სატრანსპორტო კავშირების, გარკვეული ჰუმანიტარული თემების განსახილვ

საგანგებო სიტუაციების კოორდინაციისა და გადაუდებელი ცენტრის ხელმძღვანელი, ავთანდილ თალაკვაძე თანამდებობიდან გადადგა

28 ნოემბერი, 2020 , 14:25

ჯანდაცვის სამინიტროს საგანგებო სიტუაციების კოორდინაციისა და გადაუდებელი ცენტრის ხელმძღვანლი, ავთანდილ თალაკვაძე თანამდებობიდან გადადგა. უწყების პრესამსახური ინფორმაციას ადასტურებს. არსებული ინფორმაციით, თალაკვაძემ პოსტი

პენიტენციურ დაწესებულებებში ხანმოკლე პაემნით სარგებლობისა და ამანათების მიღების უფლება შეჩერდა

28 ნოემბერი, 2020 , 14:25

ქვეყანაში არსებული ეპიდსიტუაციიდან გამომდინარე და უწყებათშორისი საკოორდინაციო საბჭოს გადაწყვეტილების შესაბამისად, მიმდინარე წლის 28 ნოემბრიდან გარკვეული შეზღუდვები ამოქმედდა პენიტენციურ სისტემაშიც, - ამის შესახებ ინფორმა