კომენტარი

იუსტიციის უმაღლესი საბჭოს წევრებმა და თავმჯდომარემ ერთმანეთთან კომუნიკაცია უნდა გააუმჯობესონ - თეა წულუკიანი

საქართველოს იუსტიციის მინისტრის შეფასებით, მოსამართლეების უვადოდ დანიშვნის პროცესი იყო სირთულეებით სავსე როგორც იუსტიციის უმაღლესი საბჭოს წევრებისთვის, ისე თავმჯდომარისთვის.

როგორც თეა წულუკიანმა მედიას საკითხის კომნეტირებისას განუცხადა, კონკრეტული მოსამართლეების დანიშვნა-არდანიშვნის საკითხი ეხება არა მთავრობას, არამედ მართლმსაჯულებას.

„მე, როგორც ამ პროცესის გარე დამკვირვებელი, ვფიქრობ, მომავალში, აუცილებელი იქნება, თავმჯდომარემ და წევრებმა ერთმანეთთან კომუნიკაცია არა მხოლოდ გააუმჯობესონ, არამედ, ჩემი მოკრძალებული აზრით, კომუნიკაციასა და შიდა დიალოგს პრიორიტეტი უნდა მიენიჭოს, რათა მომავალში არ იყოს ამგვარი შემთხვევები.

რაც შეეხება კონკრეტული მოსამართლეების დანიშვნა-არდანიშვნის საკითხს, ეს რა თქმა უნდა, არ ეხება მთავრობას, ეს ეხება მხოლოდ და მხოლოდ მართლმსაჯულებას, რომელმაც შიგნით უნდა იქონიოს ჯანსაღი პროცესები იმისთვის, რომ შეარჩიოს ყველაზე კომპეტენტური და ყველაზე მიუკერძოებელი კადრები“, -განმარტა მინისტრმა.

9 ნოემბერს უზენაესი სასამართლოსა და იუსტიციის უმაღლესი საბჭოს თავმჯდომარემ ნინო გვენეტაძემ 34 მოსამართლის უვადოდ გამწესებას მოაწერა ხელი.

მონიკა დავლიანიძე