უკან
პოლიტიკა
4 ივლისი, 2018 13:15
კადრების ცვლილებით ქვეყანა ამ კრიზისიდან ვერ გამოვა - ზურაბ ჭიაბერაშვილი
„ევროპული საქართველოს“ წევრმა ზურაბ ჭიაბერაშვილმა აჭარის მთავრობის თავმჯდომარის, ზურაბ პატარაძის შესაძლო გადადგომასთან დაკავშირებული ინფორმაციის კომენტირებისას განაცხადა, რომ საკადრო ცვლილებებით ქვეყანა კრიზისიდან ვერ გამოვა.
„არათუ ქვეყნის განვითარების გეგმა არ აქვს, ისეთი არეულობა აქვს „ქართულ ოცნებას“, თვითონაც ვერ გარკვეულან, ვინ, სად და როგორ უნდა გააგრძელოს მუშაობა. ეს კიდევ ერთხელ მიუთითებს, რომ ქვეყანაში არის არა მხოლოდ ეკონომიკური, არამედ პოლიტიკური კრიზისი.
ასე უბრალოდ კადრების ცვლილებით ქვეყანა ამ კრიზისიდან ვერ გამოვა და აუცილებელია, რომ მნიშვნელოვანი ცვლილება მოხდეს, ეს უნდა მოხდეს არჩევნებზე, სადაც ბიძინა ივანიშვილი უნდა შეიცვალოს“, -დასძინა ჭიაბერაშვილმა.