პოლიტიკა

კახა კალაძე „ქართული ოცნების“ თბილისის მერობის კანდიდატია

პარტია „ქართული ოცნების“ თბილისის მერობის კანდიდატი კახა კალაძე იქნება.

კალაძის კანდიდატურას პოლიტსაბჭოს წევრებმა მხარი ერთხმად დაუჭირეს.

როგორც მედიას საპარლამენტო უმრავლესობის ლიდერმა არჩილ თალაკვაძემ განუცხადა, კალაძე არის გუნდის ერთ-ერთი ძლიერი და წარმატებული პოლიტიკოსი.

„ქართული ოცნების“ კანდიდატი თბილისის მერის არჩევნებში, იქნება ჩვენი გუნდის ერთ-ერთი ძლიერი და წარმატებული პოლიტიკოსი, ახალგაზრდა, თანამედროვე ადამიანი კახა კალაძე. ეს გადაწყვეტილება მიიღო პოლიტსაბჭომ. ჩვენ ასევე ვიმსჯელეთ იმ პრიორიტეტებზე და დიდ პროექტებზე, რომელიც მომავალში უნდა განხორციელდეს თბილისში და საზოგადოებას ვარწმუნებთ, რომ უახლოეს მომავალში თბილისი შეიძენს განვითარების სრულიად ახალ ტემპებს, სადაც თბილისში არსებული ტრადიციები და ევროპული თბილისი იქნება საუკეთესო სახით წარდგენილი“,-აღნიშნა თალაკვაძემ.

მონიკა დავლიანიძე