რეგიონები
კახეთში მე-11 დღეა დაკარგულ მამაკაცს ეძებენ
კახეთში მე-11 დღეა 57 წლის დაკარგულ მამაკაცს, დავით ხოკერაშვილს ეძებენ.
მამაკაცი თელავში ცხოვრობდა და 11 დღის წინ იგი სახლიდან დაკარგული პირუტყვის საძებნელად მთის მიმართულებით წავიდა, ამის შემდეგ კი მისი კვალი გაქრა.
როგორც დაკარგულის ძმამ, მიშა ხოკერაშვილმა მედიასთან საუბარში განაცხადა, მის ძმას გული აწუხებდა და სავარაუდოდ, სწორედ ამან გამოიწვია ის, რომ დავით ხოკერაშვილი დღემდე არ დაბრუნებულა სახლში.
„სამუშაოებს აფერხებს დიდი თოვლი და იმედი გვაქვს, რომ ცოტა თოვლი დაჯდება და უფრო გაადვილდება ძებნა, ამასთან ერთად დადიან ადგილობრივი ბიჭები, მეგობრები, ახლობლები, მონადირეები, სოფლებიდან ამოდიან, გვეხმარებიან და არ ვიცი. ჩვენ რასაც ვფიქრობთ, რომ გული აწუხებდა და ალბათ, სადღაც გულმა უმტყუნა, თორე ეგ ადგილები ზეპირად იცოდა“,-განაცხადა მიშა ხოკერაშვილმა.
სამძებრო სამუშაოებში პოლიცია, სამაშველო სამსახური და ადგილობრივების 35-კაციანი ჯგუფი არის ჩართული.
მონიკა დავლიანიძე