უახლესი ამბები
- 30.04.2024 16:00პარლამენტმა გიორგი კალანდარიშვილი ცესკო-ს თავმჯდომარედ 5 წლით აირჩია
- 30.04.2024 15:47მაია ბითაძე ოპოზიციას: თავი დაანებეთ მავნებლობას, სპეკულაციას ევროპული დროშით, იმ დროშით, რომლისთვისაც არაფერი გაგიკეთებიათ
- 30.04.2024 15:42პაატა მანჯგალაძე უმრავლესობას: სამი საუნჯე თქვენი არის ბიძინა, სკამი, ფული
- 30.04.2024 12:01ქადაგება დღეს, რომ მტერი მტერი არაა და მოყვარე და მოკავშირე მოკავშირე არაა, ეს იგივეა რაც იმის უარყოფა, რომ დედა-დედაა და მამა-მამაა - სალომე ზურაბიშვილი
- 30.04.2024 11:06მარტში საქართველოს ეკონომიკა 8.2 პროცენტით გაიზარდა - საქსტატი
- 30.04.2024 10:52არჩევნების შემდეგ ვინ აგებს პასუხს, ვინ გახეხავს „პარაშას“, მაგას დაგანახებთ - გივი თარგამაძე
- 30.04.2024 10:42ვისაც ევროპული მომავალი გვინდა მუშტები მოგვიღერა – დაგამარცხებთ და წელში გაგტეხავთო - ლევან ხაბეიშვილი ბიძინა ივანიშვილზე
- 30.04.2024 09:08სამწუხაროა, რომ ადამიანი, რომელიც დღემდე სამართლებრივად საქართველოს პრეზიდენტად იწოდება, უბრალოდ, ამ ქვეყნის მოღალატეა - ირაკლი კობახიძე
არქივი
ეკონომიკა
კაპიტალის ბაზარი სწრაფად ვითარდება, რეფორმა აქტიურ ფაზაში შევიდა და საპენსიო ფონდის როლი მნიშვნელოვნად იზრდება - ირაკლი ნადარეიშვილი
სწრაფ ეკონომიკურ ზრდაზე, იმ დინამიკაზე როდესაც ვსაუბრობთ, რომელიც ფიქსირდება საქართველოს ეკონომიკაში ბოლო წლების განმავლობაში, ერთ-ერთი მთავარი ამოცანა და საკითხი, რომელიც ყოველთვის დგება განვითარებად ეკონომიკებში, არის ფინანსებზე ხელმისაწვდომობა, – ამის შესახებ ეკონომიკის მინისტრის მოადგილემ, ირაკლი ნადარეიშვილმა პანელურ დისკუსიაზე – „მარეგულირებელი გარემო“ განაცხადა, რომელიც საპენსიო სააგენტოს 2023 წლის და ბოლო ხუთი წლის საინვესტიციო საქმიანობის ანგარიშის ფარგლებში გაიმართა.
„ერთი მხრივ, ჩვენ გვაქვს ძალიან მაღალ დონეზე განვითარებული საბანკო სექტორი, მაგრამ გვაქვს ჩანასახოვან მდგომარეობაში მყოფი კაპიტალის ბაზარი. ამავე დროს ბიზნესს და ეკონომიკას სჭირდება როგორც კაპიტალის მოზიდვის, ასევე ინვესტირების დივერსიფიცირებული და სხვადასხვა რისკის პროფილის მქონე ინსტრუმენტები. რომ შევედაროთ განვითარებულ ქვეყნებს, მაგალითად, აშშ-ში კაპიტალის ბაზრის ზომა მშპ-ს აჭარბებს დაახლოებით 150 პროცენტით, პოლონეთში ეს მაჩვენებელი შეადგენს 40 პროცენტს, ჩვენ ვსაუბრობთ, დღევანდელი მოცემულობით, 5-6 პროცენტზე საქართველოში, თუმცა არაერთგზის ითქვა, რომ საქართველოში კაპიტალის ბაზარი სწრაფად ვითარდება, რაც აშკარა და დათვლადია“, – აღნიშნა ნადარეიშვილმა.
როგორც ნადარეიშვილმა აღნიშნა, კაპიტალის ბაზრის რეფორმა, რომელიც ბოლო ხუთი წლის განმავლობაში აქტიურად მიმდინარეობს, ახალ აქტიურ ფაზაში შედის. მისი შეფასებით, ამის მყარ საფუძველს წარმოადგენს ის საკანონმდებლო ბაზა, რომელიც ბოლო წლების განმავლობაში შეიქმნა. მინისტრის მოადგილის ინფორმაციით, შარშან, მაგალითად, გაორმაგდა სავალო ფასიანი ქაღალდების ბაზარი, რაც პირდაპირი ინდიკატორია, რომ ბაზარი იწყებს სწრაფ განვითარებას.
„გასულმა წელმა გვაჩვენა, რომ საკმაოდ მარტივი ინტერვენციით არის შესაძლებელი ამ ბაზრის სტიმულირება – დაახლოებით ორ კვირაში დაიწყება სააგენტოს „აწარმოე საქართველოში“ ახალი პროგრამა, რომლის მიზანია ბიზნესისთვის ალტერნატიულ ფინანსებზე წვდომის გაუმჯობესება და კაპიტალის ბაზრის ხელშეწყობაა ფასიანი ქაღალდების განთავსების სტიმულირების გზით. ასევე წელს პარტნიორებთან ერთად უკვე დაწყებული გვაქვს მუშაობა წილობრივი საინვესტიციო ფონდების შექმნის ხელშეწყობაზე, რომლებიც, მათ შორის, შეიძლება გახდეს მნიშვნელოვანი საინვესტიციო ინსტრუმენტი საპენსიო ფონდისთვის“ – აღნიშნა მინისტრის მოადგილემ.
მისივე განცხადებით, მნიშვნელოვანია, რომ პორტფელებში მობილიზებული კაპიტალის ზრდასთან ერთად კიდევ უფრო დაიხვეწოს და გაუმჯობესდეს საპენსიო ფონდის მმართველობითი სისტემა, მათ შორის მართვაში პროფესიონალური კომპონენტის გაძლიერების გზით.
„ჩვენ საპენსიო ფონდს და სააგენტოს ვუყურებთ, როგორც მზარდ ორგანიზმს. პარტნიორებთან და კოლეგა უწყებებთან ერთად ვმუშაობთ და ვფიქრობთ, რომ წელს პარლამენტს წარვუდგენთ კონკრეტულ ინიციატივებს, რაც ხელს შეუწყობს უფრო ეფექტური მართვის მოდელის ჩამოყალიბებას. ჩვენ ასევე განვიხილავთ, რომ ეროვნული ბანკი იყოს არა მხოლოდ საინვესტიციო ნაწილის, არამედ მთლიანი საპენსიო სქემის ზედამხედველი“, – აღნიშნა ირაკლი ნადარეიშვილმა.