უახლესი ამბები
- 24.04.2024 18:09Startup Grind - ის მორიგი ღონისძიება ბათუმში გაიმართება - მხარდამჭერი საქართველოს ბანკია
- 24.04.2024 15:01სასამართლომ ირაკლი კუპრაძეს 2 500-ლარიანი ჯარიმა დააკისრა
- 24.04.2024 14:53სამედიცინო დაწესებულებების მონიტორინგის დროს გამოვლინდა ინფექციის პრევენციისა და კონტროლისთვის საჭირო ინფრასტრუქტურის ფუნქციონირების და პროცესის დარღვევების შემთხვევები - ომბუდსმენი
- 24.04.2024 14:41დღეს რუსთაველებმა ნათლად დაინახეს „ქართული ოცნების“ და „ნაციონალური მოძრაობის“ ღია თანამშრომლობის თვალსაჩინო მაგალითი - პარტია „გახარია საქართველოსთვის“
- 24.04.2024 14:16იდენტიფიცირებული იქნებიან ის პირები, რომლებიც, ხალხის რაოდენობის სიმცირის მიუხედავად, აქციის მონაწილეებს გზების პარალიზებისკენ მოუწოდებენ - შსს
- 24.04.2024 13:01საქართველოს ბანკის მხარდაჭერით გლდანი მოლი ფართოვდება
- 24.04.2024 12:38მესტიის მერი მეორე წელია დეკლარაციაში არ უთითებს ხელფასსა და 7 უძრავ ქონებას - `საერთაშორისო გამჭვირვალობა-საქართველოს`
- 24.04.2024 11:57ახალგაზრდების სოციალური მეწარმეობის პროექტების ხელშეწყობის პროგრამაზე რეგისტრაცია განახლებული პირობებით დღეს დაიწყება
არქივი
პოლიტიკა
კარგ იურისტს, ბანკის იურისტს, ადვოკატს, პროკურორს, მეცნიერს სასამართლო სისტემაში მოხვედრის ძალიან მწირი შანსი აქვს - ანა დოლიძე
იუსტიციის უმაღლესი საბჭოს არამოსამართლე წევრმა, ანა დოლიძემ უვადო მოსამართლეობის მსურველი კანდიდატების გასაუბრების საკითხზე საუბრისას განაცხადა, რომ სისტემური პრობლემების გამო მწირია შანსი, რომ უვადო მოსამართლედ დაინიშნოს კომპეტენტური პირი.
„თვითონ კანდიდატებს შორის, ბუნებრივია, გვყავს უფრო ძლიერი და ნაკლებად ძლიერი კანდიდატები. პრობლემა სისტემურად თავისთავად რჩება. კარგ იურისტს, ბანკის იურისტს, ადვოკატს, პროკურორს, მეცნიერს ძალიან მწირი შანსი აქვს სასამართლო სისტემაში მოხვედრის, იმისთვის, რომ მოხვდეს სისტემაში, ამ მოსამართლებმა ჯერ თანაშემწედ ან მდივნად უნდა გამუშაონ ბევრი წლის განმავლობაში და შემდეგ შესაძლებელია, რომ გახდე მოსამართლე. ეს სისტემისთვის ნიშნავს იმას, რომ ის ჩაკეტილია ყველანაირი განსხვავებული, მრავალფეროვანი პერსპექტივისთვის",- განაცხადა დოლიძემ.
დოლიძის თქმით, უვადო მოსამართლეობის მსურველ კანდიდატებთან ჩატარებულმა ბოლო გასაუბრების პროცესმა გამოავლინა, რომ ის მიმდინარეობს არაეთიკურ გარემოში.
„ბოლო გასაუბრებებმა კვლავაც დაადასტურა ორი სერიოზული და სისტემური პრობლემა, რომელიც გვაქვს, გასაუბრება მიმდინარეობდა ხშირად არაეთიკურ ვითარებაში. მოსამართლე წევრები კანდიდატებს უსვამდნენ კითხვებს, რომლის მიზანი იყო ჩვენი, კრიტიკული წევრების გაკრიტიკება. აქედან გამოჩნდა, რომ სასამართლოში შეიძლება მოხვდე მხოლოდ იმ შემთხვევაში, თუ ნამუშევარი გაქვს სისტემის შიგნით მოსამართლის მდივნად ან თანაშემწედ დიდი ხანი. ანუ,სასამართლო რჩება ჩაკეტილად და გარეშე პირის, გარეშე პროფესიონალის მოხვედრის შანსები ძალიან მწირია",- განაცხადა დოლიძემ.
ცნობისთვის, დღეს იუსტიციის უმაღლეს საბჭოში კენჭს უყრიან უვადო მოსამართლეობის მსურველ შვიდ კანდიდატს, რომლებსაც სამწლიანი გამოსაცდელი ვადა ეწურებათ.