უახლესი ამბები
- 17.04.2024 15:51სხვადასხვა ოლიგარქებზე გაფორმებული მთელი რუსული შავი სალარო შესაძლოა ვიხილოთ საქართველოში - გია ხუხაშვილი `ოცნების` ახალ კანონპროექტზე
- 17.04.2024 15:40პარლამენტმა, პირველი მოსმენით, 82 ხმით მხარი დაუჭირა “საგადასახადო კოდექსში“ ცვლილებებს
- 17.04.2024 14:54ამ პირობებში პარლამენტში ყოფნას ჩემთვის არც პოლიტიკური აზრი და არც მორალური გამართლება გააჩნია - გრიგოლ ვაშაძე
- 17.04.2024 13:38თბილისში ავარიული საცხოვრებელი კორპუსები კიდევ ორ მისამართზე ჩანაცვლდება
- 17.04.2024 13:30`საქართველოსთვის` დეპუტატებმა პროტესტის ნიშნად სხდომათა დარბაზი დატოვეს
არქივი
პოლიტიკა
ხისტი და რადიკალური შეფასებების გაკეთებამდე ბოლომდე გაეცანით ჩემს განცხადებას - დავით სერგეენკო
საქართველოს ჯანდაცვის მინისტრმა - დავით სერგეენკომ თავისი გუშინდელი განცხადება განმარტა. ეს ეხება კანონპროექტს, რომლის მიხედვით ფარმაცევტულ კომპანიებს აღარ ექნებათ საშუალება, მართონ კლინიკები და სადაზღვეო კომპანიები.
როგორც სერგეენკომ დღეს ჟურნალისტებს უთხრა, კანონპროექტი განხილვის ეტაპს გადის, რაც სულაც არ ნიშნავს, რომ მას ავტომატურად მიიღებენ.
„უპირველეს ყოვლისა, ძალიან ვწუხვარ, თუ ჩემმა კომენტარმა ასეთი მღელვარება გამოიწვია. მე კომენტარების ნაწილი ვნახე. ყველასადმი დიდი სათხოვარი მექნება, რომ სანამ ასეთ ხისტ და რადიკალურ შეფასებებს გააკეთებენ, იქნებ ბოლომდე გაეცნონ ჩემს ნათქვამს. ძალიან ვწუხვარ, რომ ერთ მოდულად ვერ ჩამოვაყალიბე პასუხი და მომიწია ორ მოდულად გაყოფა. პირველი ის, რომ დიახ, განიხილება კონსულტაციებისა და რეკომენდაციების დონეზე, მეორე მოდულში ვთქვი, რომ ეს არ არის იმპერატიული დირექტივა, თუნდაც ევროკავშირის რომელიმე მოთხოვნის, არამც და არამც არ ნიშნავს, რომ ეს ასე მოხდება.
ამაზე იყო მსჯელობა. მსჯელობა გაგრძელდება. რაღაც რომ განიხილება, არ ნიშნავს, რომ აუცილებლად მოხდება“,- განაცხადა სერგეენკომ.
ანა მებურიშვილი