უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
სამართალი
ხორავას ქუჩაზე ორი არასრულწლოვნის მკვლელობის საქმეზე პროკურატურა ხელს არავის აფარებს - ირაკლი შოთაძე
ხორავას ქუჩაზე ორი არასრულწლოვნის მკვლელობის საქმეზე პროკურატურა ხელს არავის აფარებს, – განუცხადა ჟურნალისტებს მთავარმა პროკურორმა ირაკლი შოთაძემ.
მისი ინფორმაციით, ინციდენტში მონაწილე პირის მამა აღარ მუშაობს პროკურატურის ორგანოებში.
როგორც შოთაძე ამბობს, დაკითხულთა ჩვენებების მიხედვით, მკვლელობაში ორი პირი იკვეთება.
“პროკურატურა არავის ხელს არ აფარებს. სპეკულაციები იყო ამ საკითხზე. იმ ადამიანის მამა, ვინც ინციდენტში მონაწილეობდა, აღარ მუშაობს პროკურატურის ორგანოებში. გასაგებია ადვოკატების განცდებები ეს მათი ტაქტიკაა, რეალობა არის სხვა. ყველა მონაწილე დაკითხულია. ისინი სასამართლოშიც დაიკითხებიან და შეუძლიათ მიაწოდონ ინფორმაცია სასამართლოსაც.
ყველა შემსწრე პირის დაკითხვისას გამოკვეთილია ორი პიროვნება. საპატიმრო ვადა არის მოკლე. ყველაფერი დადგენილია. ჩატარებულია ექსპერტიზები, დაკითხულია მოწმეები, ამოღებულია ორი იარაღი და ჩატარებულია კვალიფიციური ყოვლისმომცველი გამოძიება. საპატიმრო ვადიდან გამომდინარე, კომპლექსურ ექსპერტიზას ვერ დაველოდეთ. ბრალდების მხარე ამასაც წარადგენს. მყარი მტკიცებულებები გვაქვს და ყველა გარემოება და მოწმე მიუთითებს, რომ ფიგურირებდა ორი დანა. თუ სხვა რამე გამოიკვეთა, ჩვენ რეაგირება გვექნება”,- განაცხადა შოთაძემ.