პოლიტიკა

ხორავას ქუჩის საქმის შემსწავლელმა საგამოძიებო კომისიამ ორი მოზარდი გამოკითხა

ხორავას ქუჩაზე მკვლელობის საქმის შემსწავლელი დროებითი საპარლამენტო საგამოძიებო კომისიის წევრებმა ორი არასრულწლოვანი გამოკითხეს. კომისიის წევრების განცხადებით, ეს მოწმეები იყვნენ თვითმხილველები.

კომისიის წევრის, დიმიტრი ცქიტიშვილის განცხადებით, მოწმეებმა ისაუბრეს მომხდართან დაკავშირებით, თუმცა მნიშვნელოვანი ახალი დეტალი მათ არ უთქვამთ.

კომისიის წარმომადგენლებს არ დაუკონკრეტებიათ, თუ რომელი სკოლის მოსწავლეები გამოიკითხეს.

კომისიის წევრები მუშაობას პედაგოგების გამოკითხვით გააგრძელებენ.