უკან

უახლესი ამბები

დღის კალენდარი

ანონსები

არქივი

პოლიტიკა

28 თებერვალი, 2017 18:45
font-size

ხვალ, დიდი ალბათობით, მივიღებთ ე.წ. ფარული მოსმენების კანონს - ზვიად ძიძიგური

საპარლამენტო უმრავლესობის წევრის, ზვიად ძიძიგურის განცხადებით, ხვალ შესაძლოა, დასრულდეს განხილვა ე.წ. ფარული მოსმენების კანონის შესახებ.

ძიძიგურის თქმით, უმრავლესობა მზადაა, დაიცვას თავისი პოზიცია კანონთან დაკავშირებით, თუკი ოპოზიცია ან არასამთავრობო სექტორი მას ხელახლა გაასაჩივრებს საკონსტიტუციო სასამართლოში.

„ჩვენ სწორედ იმიტომ ვმართავთ ხვალ რიგგარეშე სხდომას ქუთაისში, რომ არ დავარღვიოთ საკონსტიტუციო სასამართლოს მიერ დადგენილი ვადები კანონის შეცვლასთან მიმართებით. 31 მარტამდე უნდა შევიდეს ძალაში, ამიტომ ხვალ დიდი ალბათობით, ჩვენ მოვრჩებით მესამე მოსმენით ამ კანონის განხილვას და შემდეგ გადავუგზავნით პრეზიდენტს. პრეზიდენტის ვეტოს შემთხვევაში, ჩვენ 31 მარტამდე ვაძლევთ დროს, რომ ეს კანონი ამოქმედდეს. თუკი ოპოზიცია და სახალხო დამცველი აპირებენ საკონსტიტუციო სასამართლოში სარჩელის შეტანას, ჩვენ მზად ვართ, რომ ჩვენი პოზიციები დავიცვათ“, - განაცხადა ძიძიგურმა.

ძიძიგური ვარაუდობს, რომ პრეზიდენტი უმრავლესობის მიერ ინიცირებულ საკონსტიტუციო ცვლილებათა პაკეტს ვეტოს დაადებს.

„ვეტოს ველოდებით, იმიტომ რომ პრეზიდენტმა არაერთხელ მიანიშნა, რომ ის აპირებს, ამ კანონს ვეტო დაადოს, თუმცა ძალიან საინტერესო იქნება შენიშვნები, რომლებსაც გამოაგზავნის“, - თქვა უმრავლესობის წევრმა.

რაც შეეხება ფარული მოსმენების კანონის ახალ რედაქციას, ძიძიგური აცხადებს, რომ განხილვის დროს შენიშვნათა 90 % იყო გათვალისწინებული და შეტანილი დოკუმენტში. კერძოდ, მან ახსენა, რომ ფარული მოსმენების განმახორციელებელი ორგანოს ხელმძღვანელს სუს-ის უფროსი აღარ დანიშნავს.

„მოსმენების შესახებ კანონის თავდაპირველი და საბოლოო ვარიანტები მნიშვნელოვნად განსხვავდება ერთმანეთისგან. ბევრი შენიშვნა იყო გათვალისწინებული. სრულიად გაუგებარია ოპოზიციის პრეტენზიები ამ ცვლილების მიმართ. ერთი მთავარი პრეტენზია იყო, რომ ახლად შექმნილ სიპ-ის თავმჯდომარე ენიშნებოდა უშიშროების სამსახურის ხელმძღვანელის წარდგენით. ეს შეიცვალა და უკვე კომისია წარადგენს და არა სუს-ის უფროსი. დაახლოებით 90 % იმ შენიშვნების, რაც იყო, არის გათვალისწინებული. ოღონდ არა ოპოზიციის გამო, არამედ თვითონ უმრავლესობის შიგნით იყო დამოკიდებულება, რომ ეს კანონი მეტად დახვეწილი ყოფილიყო“, - თქვა ძიძიგურმა.

მისი განცხადებით, უმრავლესობის მიერ წარდგენილი ვარიანტი უზრუნველყოფს როგორც ქვეყნის უსაფრთხოების, ასევე ადამიანთა პირადი ცხოვრების უფლების დაცვას.

„თუ ჩვენ გავითვალისწინებთ, როგორ რეგიონში ვცხოვრობთ, თურქეთში რა ხდება, ევროპის ქვეყნებში: იტალიაში, საფრანგეთში, გერმანიასა და ბელგიაში ხდება ტერაქტები და მთელ მსოფლიოშია დაძაბული ვითარება, ყველა ქვეყანა ზრუნავს უსაფრთხოების გაძლიერებაზე, ამ დროს კი ჩვენ უსაფრთხოების ზომების შესუსტებაზე წავიდეთ და ვთქვათ, ამას კი არ უნდა ჰქონდეს გასაღები, არამედ ოპერატორებს უნდა ჰქონდეთ გასაღები. მთავარია ჩვენი ქვეყნის მოქალაქეების უსაფრთხოება და მათი სიცოცხლის უზრუნველყოფა. მე ვფიქრობ, რომ კანონის ამ ვარიანტით ჩვენ ეს ამოცანა გადავჭერით“, - თქვა ძიძიგურმა დღევანდელ პრესკონფერენციაზე.

შეგახსენებთ, რომ გუშინდელი საპარლამენტო ბიუროს სხდომაზე მიღებული გადაწყვეტილებით, ფარული საგამოძიებო მოქმედებების შესახებ ინიცირებული პროექტის მესამე მოსმენა რიგგარეშე სესიაზე პირველ მარტს გაიმართება, სადაც კანონპროექტის ტექნიკური საკითხები შესწორდება.

რაც შეეხება პრეზიდენტის დამოკიდებულებას, გუშინ პრეზიდენტის საპარლამენტო მდივანმა, ანა დოლიძემ განაცხადა, რომ პრეზიდენტის მოტივირებული შენიშვნების საკითხი მხოლოდ ე.წ. ფარული მოსმენების კანონის მესამე მოსმენით მიღების შემდეგ გადაწყდება.

ანა მებურიშვილი

ლევან გოგიჩაიშვილმა პაატა სილაგაძის დარბაზიდან გაძევება ითხოვა

23 ოქტომბერი, 2019 , 15:55

საქართველოს პარლამენტის იურიდიულ საკითხთა კომიტეტის სხდომაზე უზენაესი მოსამართლეობის კანდიდატმა პაატა სილაგაძემ დამოუკიდებელი დეპუტატის, ლევან გოგიჩაიშვილის კითხვებს არ უპასუხა. კერძოდ, ლევან გოგიჩაიშვილმა პაატა სილაგაძე

ორპარტიული მხარდამჭერი აქტი მიუთითებს, რომ საქართველო-აშშ-ის ურთიერთობები დღეს უმაღლეს დონეზეა - ირაკლი ჩიქოვანი

23 ოქტომბერი, 2019 , 15:55

ამერიკის შეერთებული შტატების წარმომადგენელთა პალატის მიერ მიღებული ორპარტიული აქტი კიდევ უფრო მეტად ამყარებს საქართველოსა და ამერიკის შეერთებული შტატების თანამშრომლობას, თავდაცვის, უსაფრთხოების, ეკონომიკისა და კიბერუსაფრ

ლევან დავითაშვილი მოლდოვის რესპუბლიკის ელჩს, გეორგ ლეუკას შეხვდა

23 ოქტომბერი, 2019 , 15:55

გარემოს დაცვისა და სოფლის მეურნეობის მინისტრი ლევან დავითაშვილი მოლდოვის რესპუბლიკის ელჩს, გეორგ ლეუკას შეხვდა. შეხვედრაზე აგრარული და გარემოსდაცვითი მიმართულებებით შესაძლო თანამშრომლობის საკითხები განიხილეს. ლევან დავით

საქართველოს პრეზიდენტი სომხეთის პრეზიდენტს შეხვდა

23 ოქტომბერი, 2019 , 15:30

საქართველოს პრეზიდენტი სალომე ზურაბიშვილი ტოკიოში სომხეთის პრეზიდენტს, არმენ სარქისიანს შეხვდა. პრეზიდენტებმა შეხვედრისას ქვეყნებს შორის ორმხრივი ურთიერთობები განიხილეს. საუბარი შეეხო რეგიონში არსებულ ვითარებასა და სავაჭ

საქართველოს საგარეო საქმეთა მინისტრი სომხეთის ვიცე-პრემიერს შეხვდა

23 ოქტომბერი, 2019 , 14:35

საქართველოს საგარეო საქმეთა მინისტრმა, დავით ზალკალიანმა „თბილისის აბრეშუმის გზის ფორუმის“ ფარგლებში, შეხვედრა გამართა სომხეთის რესპუბლიკის ვიცე-პრემიერთან, ტიგრან ავინიანნთან. დავით ზალკალიანმა მადლობა გადაუ

საგარეო საქმეთა მინისტრისა და ჩინეთის მთავრობის სპეციალურმა წარმომადგენელმა მაღალი შეფასება მისცეს ორი ქვეყნის დინამიურ ურთიერთობას

23 ოქტომბერი, 2019 , 14:35

საქართველოს საგარეო საქმეთა მინისტრმა, დავით ზალკალიანმა „თბილისის აბრეშუმის გზის ფორუმის“ ფარგლებში, შეხვედრა გამართა ჩინეთის სახალხო რესპუბლიკის მთავრობის სპეციალურ წარმომადგენელთან ევრაზიის რეგიონში, ლი ჰუ