სამართალი

ხვალ სასამართლოში „პანორამა თბილისის“ საქმეზე მთავარი სხდომა გაიმართება

ხვალ, 2016 წლის 17 ნოემბერს 15:00 საათზე, თბილისის საქალაქო სასამართლოში „პანორამა თბილისის“ საქმეზე მთავარი სხდომა გაიმართება.

თბილისის საქალაქო სასამართლო, საქართველოს ახალგაზრდა იურისტთა ასოციაციის სარჩელს განიხილავს, რომლითაც მოთხოვნილია ,,პანორამა თბილისის“ პროექტის ფარგლებში გაცემული მშენებლობის ნებართვების ბათილობა. კერძოდ, საია ითხოვს იმ ბრძანებების უკანონოდ ცნობას, რომლის საფუძველზეც შესაძლებელი გახდა მრავალფუნქციური სასტუმრო-კომპლექსის ,,სოლოლაკის ბაღები“-ს და ,,სოლოლაკი ს მაღლობის“ მშენებლობა.

დავაში მოპასუხე მხარეებს წარმოადგენენ სსიპ სამშენებლო და ტექნიკური ზედამხედველობის სააგენტო და საქართველოს ეკონომიკისა და მდგრადი განვითარების სამინისტრო, _ აცნობეს მედიანიუსს საია-დან.