უკან

უახლესი ამბები

დღის კალენდარი

ანონსები

არქივი

პოლიტიკა

11 ივლისი, 2017 14:55
font-size

ყურადღება გაამახვილეთ აფხაზეთსა და ცხინვალის რეგიონებში ეთნიკურად ქართველების დისკრიმინაციის ფაქტებზე - ომბუდსმენის ანგარიში გაეროს რასობრივი დისკრიმინაციის აღმოფხვრის კომიტეტს

სახალხო დამცველმა უჩა ნანუაშვილმა გაეროს რასობრივი დისკრიმინაციის აღმოფხვრის კომიტეტს ანგარიში წარუდგინა, სადაც მოითხოვა, რომ იყოს გამახვილებული ყურადღება საქართველოს ოკუპირებულ ტერიტორიებზე ეთნიკური ნიშნით დისკრიმინაციის ფაქტებზე. ომბუდსმენის მიმართვის მიხედვით, აღნიშნული დარღვევების გამო პასუხისმგებლობა რუსეთს უნდა დაეკისროს.

ანგარიშში მიმოხილულია აფხაზეთისა და ცხინვალის რეგიონებში ეთნიკურად ქართველი მოსახლეობის ჩაგვრის ფაქტები, მაგალითად, მშობლიურ ენაზე განათლებისა და სიცოცხლის უფლების დარღვევის ან საკუთრების უფლების ხელყოფის შემთხვევები.

„მედიანიუსი“ სახალხო დამცველის აპარატის განცხადებას უცვლელად გთავაზობთ:

„საქართველოს სახალხო დამცველმა გაეროს რასობრივი დისკრიმინაციის აღმოფხვრის კომიტეტის 93-ე სესიაზე რუსეთის ფედერაციის მოსმენისათვის ალტერნატიული ანგარიში წარადგინა, რომელიც რუსეთის ფედერაციის მიერ საქართველოს ოკუპირებულ ტერიტორიებზე რასობრივი დისკრიმინაციის აღმოფხვრის კონვენციის სავარაუდო დარღვევის ფაქტებს მიმოიხილავს.

დოკუმენტის მიზანია რასობრივი დისკრიმინაციის აღმოფხვრის კომიტეტის ყურადღება მიაპყროს საქართველოს ოკუპირებულ ტერიტორიებზე ეთნიკური ნიშნით დისკრიმინაციის ფაქტებს.

ანგარიში მიმოიხილავს 2013 წლიდან 2017 წლის მაისის ჩათვლით აფხაზეთსა ცხინვალის რეგიონში ეთნიკურად ქართველი მოსახლეობისადმი დისკრიმინაციულ მოპყრობას, იქ მცხოვრები სხვა ეთნიკურ ჯგუფებთან შედარებით. სახალხო დამცველი ყურადღებას ამახვილებს ისეთ პრობლემებზე, როგორიცაა დოკუმენტაციის საკითხი გალისა და ახალგორის რაიონის მკვიდრთათვის, გამყოფ ხაზზე გადაადგილების შეზღუდვა და დაკავებების ფაქტები რუსეთის სამხედრო ბაზებზე. ანგარიშში ხაზგასმულია საკუთრების უფლების ხელყოფის, მშობლიურ ენაზე განათლებისა და სიცოცხლის უფლების დარღვევის ფაქტები, რომლებიც ძირითადად ოკუპირებულ ტერიტორიაზე მცხოვრებ ქართულ მოსახლეობას ეხებათ.

აღნიშნული უფლებების დარღვევაზე და დისკრიმინაციულ პოლიტიკაზე საერთაშორისო სამართლებრივი პასუხისმგებლობა რუსეთის ფედერაციას ეკისრება, როგორც ეფექტური კონტროლის განმახორციელებელ ქვეყანას. საქართველოს სახალხო დამცველი რასობრივი დისკრიმინაციის აღმოფხვრის კომიტეტს ასევე სთავაზობს რეკომენდაციებს რუსეთისადმი წარსადგენად.

რუსეთის ფედერაციის მიერ რასობრივი დისკრიმინაციის აღმოფხვრის კონვენციის შესრულებას კომიტეტი მიმდინარე წლის 3 და 4 აგვისტოს განიხილავს“, - წერია განცხადებაში.

ანა მებურიშვილი

კარასინი-აბაშიძის ფორმატში შეხვედრა სექტემბერში არ გაიმართება

19 სექტემბერი, 2020 , 15:40

კარასინი-აბაშიძის ფორმატში შეხვედრა სექტემბერში არ გაიმართება, - ამის შესახებ რუსეთთან ურთიერთობებში პრემიერ-მინისტრის სპეციალურმა წარმომადგენელმა ზურაბ აბაშიძემ განაცხადა. „გრიგორი კარასინთან მორიგი შეხვედრის თარი

“უნდა დასრულდეს მფლანგველი და ნეპოტისტი ხელისუფლება!” - ნატო ჩხეიძე შიდა ქართლში საარჩევნო კამპანიას განაგრძობს

19 სექტემბერი, 2020 , 15:09

"ნაციონალური მოძრაობისა" და გაერთიანებული ოპოზიციის "ძალა ერთობაშია" მაჟორიტარობის კანდიდატი ნატო ჩხეიძე საარჩევნო კამპანიას განაგრძობს. დეპუტატმა რუისში, კეხიჯვარში, ურბნისსა და სასირეთში კარდაკარ მოიარა ოჯახები და მათ

ბოკუჩავა თურნავას: ზევსი რომ გგონიათ ოლიმპოს მთაზე მოკალათებული, ის ადამიანი სინამდვილეში ერთი ჩვეულებრივი თაღლითია

18 სექტემბერი, 2020 , 17:30

„ერთიანი ნაციონალური მოძრაობის“ წევრმა თინა ბოკუჩავამ პარლამენტში სიტყვით გამოსვლილსას ეკონომიკის მინისტრი ნათია თურნავა ქვეყანაში არსებული მძიმე სოციალური ფონის გამო გააკრიტიკა. მისი განცხადებით, მოსახლეობა

რეალობას მოწყვეტილი მთავრობა სხვა საქართველოზე საუბრობს - გიორგი ვაშაძე

18 სექტემბერი, 2020 , 17:30

„სტრატეგია აღმაშენებლის“ ლიდერი გიორგი ვაშაძე ქვეყანაში შექმნილ სოციალურ და ეკონომიკურ მდგომარეობას კატასტროფულს უწოდებს და აცხადებს, რომ ამ სიმძიმეს ეროვნული ვალუტის კურსი ყველაზე მეტად გამოხატავს. ვაშაძის გ

ბიძინა ივანიშვილს საქართველო წარმოუდგენია, როგორც თავისი დენდროლოგიური პარკი - ზურაბ ჭიაბერაშვილი

18 სექტემბერი, 2020 , 16:15

„ევროპული საქართველოს" მაჟორიტარობის კანდიდატი თელავის, ახმეტის, ყვარლისა და ლაგოდეხის ოლქში, ზურაბ ჭიაბერაშვილი, ეკონომიკის მინისტრს, ნათია თურნავას მიმართავს. ჭიაბერაშვილის თქმით, ივანიშვილის ხელისუფლებამ ჩააგდო

„ჩვენი საქართველო` ელიტურ კორუფციაზე ეკონომიკის მინისტრს, პასუხს კიდევ ერთხელ სთხოვს

18 სექტემბერი, 2020 , 16:15

პარტია „ჩვენი საქართველო-სოლიდარობის ალიანსი" ეკონომიკის მინისტრის, ნათია თურნავას პარლამენტში მისვლას ეხმაურება. პარტიის განცხადებაში ვკითხულობთ, რომ მათი არაერთი მცდელობის მიუხედავათ, თურნავამ კომპანია „ელგ

პირდაპირი TV

daily calendar

ვიდეო გალერეა

მიძინება ყოვლადწმინდისა ღმრთისმშობელისა მარიამისა. მარიამობა.