უახლესი ამბები
- 26.04.2024 18:36ჩვენი გზა უნდა მიდიოდეს ევროპაში ორივესი ერთად, მაგრამ რუსეთისკენ მიდიხართ, რუსეთში მიგვათრევთ - ლილე ლიპარტელიანი `ოცნებას`
- 26.04.2024 18:19ლექტორის მკვლელობის ფაქტზე სასამართლომ ორ პირს 20-20 წლით თავისუფლების აღკვეთა შეუფარდა
- 26.04.2024 18:1015 პარტნიორი უნივერსიტეტი, 140-მდე სტიპენდიატი - საქართველოს ბანკის სასტიპენდიო პროგრამის გამარჯვებულები ცნობილია
- 26.04.2024 17:3328 აპრილს თითოეული ქართველის ადგილი რუსთაველზეა - ლევან ხაბეიშვილი
არქივი
პოლიტიკა
კვლევები მნიშვნელოვანია, მაგრამ ის არ არის რეალობის ამსახველი - დავით სერგეენკო
მინსიტრთა კაბინეტის წევრები 2016 წლის საპარლამენტო არჩევნებთან დაკავშირებით, ეროვნულ-დემოკრატიული ინსტიტუტის შემაჯამებელ ანგარიშს ეხმაურებიან.
შერიგებისა და სამოქალაქო თანასწორობის საკითხებში სახელმწიფო მინისტრის, ქეთევან ციხელაშვილის განცხადებით, ის სრულიად იზიარებს საერთაშორისო ორგანიზაციების შეფასებას, რომ არჩევნები იყო წინგადადგმული ნაბიჯი ქვეყნის დემოკრატიული განვითარების გზაზე.
,,ჩვენ გვაქვს ძალიან ცალსახა შეფასებები, მათ შორის, ადგილობრივი და საერთაშორისო დამკვირვებლების მხრიდან, რომ საქართველოში შედგა სამართლიანი, თავისუფალი არჩევნები და ძალიან მაღალი ლეგიტიმაციის პროცესი, რომელიც იყო წინგადადგმული ნაბიჯი ჩვენი დემოკრატიული განვითარებისა და კონსოლიდაციის გზაზე. ეს გახლავთ ის შეფასება, რომელიც გაკეთდა და რომელსაც სრულად ვიზიარებ“, - განაცხადა ქეთევან ციხელაშვილმა.
ჯანდაცვის მინისტრის დავით სერგეენკოს განცხადებით, მსგავსი კვლევები მნიშვნელოვანია, მაგრამ არ არის რეალობის ამსახველი.
,,კვლევები მნიშვნელოვანია, მაგრამ ის არ არის რეალობის ამსახველი. ის არ არის მონიტორინგი, რომელიც რაღაც ოფიციალურ დასკვნებს დადებდა. ამის მაგალითი უამრავია - თუნდაც რამოდენიმე დღის წინ, ამერიკის შეერთებულ შტატებში შემდგარი არჩევნები, როდესაც წინასწარ კვლევებს ჰქონდა სხვა სტრუქტურა, ხოლო არჩევნების შემდგომ მიიღეს სხვა სურათი.
რაც შეეხება იმას, რომ დაშინებას ჰქონდა ადგილი - არჩევნები ყოველთვის გარკვეული ემოციების საფუძველს იძლევა და არცერთი ქვეყანა, თუნდაც ისეთი დემოკრატიული ქვეყანა, როგორიც შეერთებული შტატებია, არ არის თავისუფალი გარკვეული ექსესებისგან. ჩვენთან საბედნიეროდ, ყველაფერმა ჩაიარა გამჭვირვალედ, ძალადობის გარეშე და არჩევნები შედგა“, - განაცხადა სერგეენკომ.
NDI-ს შემაჯამებელ ანგარიშში ნათქვამია, რომ არჩევნები კონკურენტულ გარემოში წარიმართა, მოქალაქეებმა ხმა თავისუფალ გარემოში მისცეს და არჩევნების შედეგები დაემთხვა სანდო დამკვირვებლების მონაცემებს, თუმცა, საარჩევნო პროცესში გამოიკვეთა ძალადობისა და დაშინების შემთხვევები.
მარი ნამგალაძე