უკან

სამართალი

15 მაისი, 2017 14:10
font-size

ლაშა თორდია ოთარ ფარცხალაძის მხრიდან მასზე თავდასხმას აუდიტის სამსახურის საქმიანობას უკავშირებს

სახელმწიფო აუდიტის ხელმძღვანელი ლაშა თორდია ყოფილ მთავარ პროკურორს, ოთარ ფარცხალაძეს მასზე თავდასხმაში ადანაშაულებს.

სწორედ აღნიშნულ ფაქტს მიეძღვნა ეკა კვესიტაძის გადაცემა ,,განსხვავებული აქცენტების’’ 13 მაისის გადაცემა.

როგორც გადაცემის შესავალში წამყვანმა ეკა კვესიტაძემ აღნიშნა, დოკუმენტაციით დადასტურებულია, რომ ოთარ ფარცხალაძე ფლობს შპს ,,ბი ეს არ-სი დი ჯი დეველოპმენტის’’ 100 პროცენტს, რომელსაც 2016 წლის 15 აპრილს თბილისის მერიამ მზიურის ტერიტორიაზე არსებული მიწის ნაკვეთის სანაცვლოდ ნუცუბიძის ქუჩაზე გადასცა 5 515 და 2 302 კვადრატული მეტრის ორი მიწის ნაკვეთი. მათი საბაზრო ღირებულება 365 ათას ლარს შეადგენს. ამას გარდა, მერიის მიერ გამოცხადებულ აუქციონზე ფარცხალაძემ იყიდა მომიჯნავე 3 500 კვ. მ. მიწის ნაკვეთი, რაშიც მილიონამდე ლარი აქვს გადახდილი. ამ მიწის შესაძენაად არც იპოთეკა და არც გირავნობა არ არის გამოყენებული. უცნობია, რა სახსრებით გადაიხად ამან მილიონამდე ლარი.

რა კავშირშია მერიის მიერ ფარცხალაძისთვის გადაცემული მიწის ნაკვეთები და ფარცხალაძის მიერ მერიის აუქციონზე ნაყიდი მიწა იმ კონფლიქტთან, რომელიც 12 მაისს მოხდა, ამის შესახებ ,,განსხვავებული აქცენტებთან’’ დაშავებულმა ლაშა თორდიამ კლინიკიდან სკაიპით ჩართვისას ისაუბრა.

სახელმწიფო აუდიტის სამსახურის უფროსმა ღამის კლუბ ელ ცენტროში მასზე განხორციელებული თავდასხმის დეტალები გაიხსენა. ის მომხდარში ყოფილ მთავარ პროკურორ, ოთარ ფარცხალაძეს და მის თანმხლებ პირებს ადანაშაულებს.

ლაშა თორდია მასზე განხორციელებულ თავდასხმას მის საქმიანობას უკავშირებს. კერძოდ, როგორც მან აღნიშნა, აუდიტის სამსახური მუშაობს ყოფილი მთავარი პროკურორის კუთვნილი სამშენებლო კომპანიისთვის თბილისის მერიიდან მიწის ნაკვეთების გადაცემასთან დაკავშირებით და ფარცხალაძისთვის აუქციონის გზით მიწის გადაცემაზე, ოთარ ფარცხალაძის კომპანიისთვის სპეციალური პირობების შექმნაზე.

ლაშა თორდიამ მერიისა და ფარცხალაძის კომპანიის ურთიერთობაზე ისაუბრა. თორდიას თქმით, ამ ეტაზე ეს იყო ნეპოტიზმი და ამასთან დაკავშირებით ბევრი კითხვის ნიშანი ისმევა.

„ეს დასკვნა გახდება საჯარო. შეუძლებელია, ამ დასკვნაში რაიმე მნიშვნელოვანი შეიცვალოს. ამ ფირმას, რომლის მფლობელია ფარცხალაძე, რბილად რომ ვთქვათ, კარგი პირობები აქვს, რომელიც სხვა კომპანიებს არ გააჩნიათ,“ - განაცხადა ლაშა თორდიამ.

გადაცემაში თორდიაზე თავდასხმის ფაქტი პირდაპირი ჩართვისას შეაფასეს ,,ნაციონალური მოძრაობის’’ წევრმა ნიკა მელიამ, ,,ევროპული საქართველოს’’ წევრმა გივი თარგამაძემ, ,,თავისიფალი დემოკრატების’’ წარმომადგენელმა, ლევან სამუშიამ და ,,საერთაშორისო გამჭვირვალობა - საქართველოს’’ აღმსარულებელმა დირექტორმა, ეკა გიგაურმა.

ეს ადამიანი ყოველგვარი მორიდების გარეშე შეიძლება ითქვას, რომ არის კლასიკური მაფიოზი, - განაცხადა ნიკა მელიამ ირაკლი ფარცხალაძეზე საუბრისას.

"ადამიანი რომელსაც ხელეწიფება აკონტროლოს პროკურატურა, შსს და ა.შ. მეორე მხრივ ქუჩაში პრაქტიკულად თბილისის უბნებში და არა მხოლოდ თბილისის, ქმნის კრიმინალებისგან შემდგარ ჯგუფებს.

არაფორმალური მმართველისთვის, ბიძინა ივანიშვილისთვის, თავისი ფარცხალაძეებისთვის, კალაძეებისთვის, რომლებიც კლასიკურ მაფიოზებად ჩამოყალიბდნენ, არ არსებობს წინაღობა. ნებისმიერი ადამიანი მათი ყოფილი კოლეგა, დღეს არსებული კოლეგა თუ უბრალოდ მეგობარი, ვინც მათ ინტერესს, იქნება ეს პოლიტიკური თუ ბიზნეს ინტერესი, წინ დაუდგება, ასეთი ფორმებით უსწორდებიან",-განაცხადა ნიკა მელიამ.

თავის მხრივ, როგორც გივი თარგამაძემ აღნიშნა, მან მიიღო ინფორმაცია, რომ ფინანსური პოლიციის დაცვის მიერ ელ ცენტროში კამერების მონაცემები ამოღებული და განადგურებულია.

,,ევროპული საქართველოს’’ წევრის აზრით, ივანიშვილს უბრალოდ მოსწონს ფარცხალაძე და ამიტომ, მისი აზრით, ის ინარჩუნებს პრივილეგიებს.

„ფარცხალაძე ჩართული უზარმაზარ კორუფციულ სქემებში, ეს არის პორტების საკითხი, როდესაც ხელოვნურად, ფარცხალაძის მეშვეობით, პრაქტიკულად, შეზღუდული იქნა მუშაობაში ფოთის პორტი, შემდეგ ბათუმის პორტი, რომელიც იქნა გაკოტრებული მის ყაზახ ასევე კორუფციაში გასვრილ დირექტორზე ზეწოლის მეშვეობით. შეიქმნა პარალელური სტრუქტურა, ე.წ. მცირე პორტი, რომელშიც ხელმძღვანელი არის ფარცხალაძის მიერ მოყვანილი საქართველოს ლუკოილის ხელმძღვანელის შვილი, ქათამაძე, ხოლო დიდ პორტში, იმისთვის, რომ დიდი პორტის გაბანკროტებას დახმარებოდა, მოყვანილია ვანო ჩხარტიშვილის პროტეჟე. ფარცხალაძის გაღიზიანება გამომდინარეობს ახალი ომიდან, რომელიც ფეროს ქარხნის თაობაზე მიმდინარეობს. ბატონა კაპანაძემ ფარცხალაძის მეშვეობით მოახერხა და ვითომ ეკოლოგიური დაცვის მიზეზით დანიშნა დროებითი მმართველი, პრაქტიკულად, ქარხანა თავის კუთვნილებაში დაიბრუნა,“ - აღნიშნა თარგამაძემ.

თავისუფალი დემოკრატების აღმასრულებელი მდივნის, ლევან სამუშიას შეფასებით კი, არაფორმალური მმართველობა ნათელია უკვე, ხოლო ფარცხალაძე პროკურატურას აკონტროლებს.

„ფაქტების ერთობლიობა გვაჩვენებს იმას, რომ ხელისუფლება, რომელიც თავიდან ბოლომდე ჩართულია არაფორმალურ მმართველობაში, ქართული ოცნების ხელისუფლებას მომეტებული ლტოლვა აქვს არაფორმალური მმართველობისკენ, ისინი ამ საქმესაც ვფიქრობ, რომ ნაკლებად გამოიძიებენ,“ - განაცხადა ლევან სამუშიამ.

თავის მხრივ, როგორც ,,საერთაშორისო გამჭვირვალობა-საქართველოს’’ აღმასრულებელმა დირექტორმა, ეკა გიგაურმა აღნიშნა, აუცილებელია ფაქტთან დაკავშირებით ობიექტური გამოძიებსი ჩატარება.

,,ჩვენ ვითხოვთ ობიექტურ გამოძიებას. ეს ძალიან მნიშნელოვანია, განსაკუთრებით მაშინ, როცა საქმე შეეხება დამოუკიდებელი ინსტიტუტის ხელმძღვანელს და მასზე ფაქტობრივად მოხდა თავდასხმა მისი საქმიანობის გამო,’’ - განაცხადა ეკა გიგაურმა.

პოლიციამ თავისუფლების უკანონო აღკვეთისა და ჯგუფური ძალადობის ბრალდებით 5 პირი დააკავა

5 ივლისი, 2020 , 10:52

შინაგან საქმეთა სამინისტროს ცნობით, აჭარისა და გურიის პოლიციის დეპარტამენტების თანამშრომლებმა, ერთობლივად ჩატარებული ოპერატიულ-სამძებრო და საგამოძიებო მოქმედებების შედეგად, ხუთი პირი: 1996 წელს დაბადებული ი.ლ., 2001 წელს

ფოთში მკვლელობის ფაქტთან დაკავშირებით სამი პირი დააკავეს

4 ივლისი, 2020 , 17:31

შინაგან საქმეთა სამინისტროს სამეგრელო-ზემო სვანეთის პოლიცის დეპარტამენტის თანამშრომლებმა განზრახ მკვლელობის, თავისუფლების უკანონო აღკვეთის ბრალდებით სამი პირი დააკავეს. სამინისტროს ინფორმაციით, დანაშაული შვიდიდან 15 წლამ

თბილისში უკანონო სახერხი საამქრო გამოავლინეს

4 ივლისი, 2020 , 10:50

გარემოს დაცვისა და სოფლის მეურნეობის სამინისტროს გარემოსდაცვითი ზედამხედველობის დეპარტამენტის თანამშრომლებმა, ქალაქ თბილისში, ისანი-სამგორის რაიონში, დაურეგისტრირებელი სახერხი საამქრო გამოავლინეს. მოქალაქეს, ტერიტორიაზე

გერმანიამ წამებისთვის ძებნილი დავით ჭაკუას ქართული მართლმსაჯულებისთვის გადმოცემის გადაწყვეტილება მიიღო

3 ივლისი, 2020 , 14:45

გერმანიამ წამებისთვის ძებნილი სასჯელაღსრულების დეპარტამენტის ყოფილი უფროსის, დავით ჭაკუას ქართულ მართლმსაჯულებისთვის გადმოცემის გადაწყვეტილება მიიღო. სასჯელაღსრულების დეპარტამენტის ყოფილი უფროსის, ბაჩო ახალაიას ყოფილი მო

სვანეთში ცეცხლსასროლი იარაღის შეძენა-შენახვის ბრალდებით ერთი პირი დააკავეს

3 ივლისი, 2020 , 11:30

ცეცხლსასროლი იარაღის მართლსაწინააღმდეგო შეძენა-შენახვის ბრალდებით ერთი პირი დააკავეს. დანაშაული 3-დან 6 წლამდე ვადით თავისუფლების აღკვეთას ითვალისწინებს. "შინაგან საქმეთა სამინისტროს სამეგრელო ზემო-სვანეთის პოლიციის დეპა

ქრთამის აღების ფაქტზე სურსათის ეროვნული სააგენტოს თბილისის საქალაქო სამსახურის უფროსი ინსპექტორი დააკავეს

3 ივლისი, 2020 , 11:30

საქართველოს ფინანსთა სამინისტროს საგამოძიებო სამსახურის თანამშრომლებმა, გატარებული ოპერატიულ - სამძებრო ღონისძიებებისა და საგამოძიებო მოქმედებების შედეგად, ქრთამის აღების ფაქტზე, სსიპ სურსათის ეროვნული სააგენტოს თბილისის

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე