უკან

უახლესი ამბები

დღის კალენდარი

ანონსები

არქივი

რეგიონები

17 ნოემბერი, 2018 16:00
font-size

ლევან დავითაშვილი კახეთის რეგიონში ფერმერებს შეხვდა

საქართველოს გარემოს დაცვისა და სოფლის მეურნეობის მინისტრი ლევან დავითაშვილი კახეთის რეგიონში ფერმერებს შეხვდა.

„ჩვენ ვქმნით ინსტრუმენტებს იმისათვის, რომ ფერმერმა ნაკლები დანახარჯებით, უფრო მეტი კონკურენტუნარიანი პროდუქცია შექმნან და მეტი შემოსავალი მიიღონ",- განაცხადა ლევან დავითაშვილმა ფერმერებთან გამართულ შეხვედრაზე სადაც კახეთის გუბერნატორთან, ირაკლი ქადაგიშვილთან ერთად, აგრარულ დარგში განხორციელებულ პროექტებსა და არსებულ გამოწვევებზე ისაუბრა.

კახეთის რეგიონში, აგრარული დარგის განვითარების ფინანსური მხარდაჭერისთვის, 2012 წლიდან დღემდე, 15 ათასზე მეტი, ათეულობით მილიონი ლარის შეღავათიანი აგროკრედიტი გაიცა, მათ შორის, ყველაზე მეტი მესაქონლეობის, მეცხვარეობის, მევენახეობის დარგებზე.

გარემოს დაცვისა და სოფლის მეურნეობის სამინისტროს ინფორმაციით, დღეისათვის, სახელმწიფოს ხელშეწყობით, კახეთის რეგიონში გახსნილია 62 ახალი და გაფართოებულია 373 საწარმო.

მევენახეობა-მეღვინეობის დარგის განვითარებისთვის გატარებული სისტემური ღონისძიებების პოზიტიური შედეგები დღეს უკვე სახეზეა - გაშენებულია ახალი ვენახები, შექმნილია 30 ახალი და გაფართოებული ღვინის 63 ძველი საწარმო, გაზრდილია ღვინის ექსპორტის მოცულობა, საექსპორტო ბაზრები დივერსიფიცირებულია. სახელმწიფოს ხელშეწყობით, მევენახეობა-მეღვინეობის დარგი გაძლიერებულია.

2018 წელს ქვეყანაში რეკორდული რაოდენობის, 230 ათას ტონაზე მეტი ყურძენი გადამუშავდა და მოსახლეობამ 300 მლნ ლარზე მეტი შემოსავალი მიიღო. წინასწარი პროგნოზით, წლის დასასრულისთვის, დაახლოებით, 100 მლნ ბოთლამდე ღვინის ექსპორტი განხორციელდება.

2012 წლიდან დღემდე, მხოლოდ კახეთის რეგიონში მევენახეების შემოსავალმა 912 მლნ ლარს მიაღწია, აქედან, 300 მლნ 2018 წლის შემოსავლების ოდენობაა.

პროგრამის „დანერგე მომავალი“ ფარგლებში, 245 პროექტი ხორციელდება, ჯამური ინვესტიცია 16 მლნ ლარზე მეტია, საიდანაც 10 მილიონამდე ლარი სახელწიფოს ფინანსური მხარდაჭერაა. პროგრამის ფარგლებში, 2, 000 ჰექტარზე მეტ ფართობზე გაშენებულია და შენდება კაკლის, ნუშის, ზეთისხილის, თხილისა და ხურმის ბაღები.

2014 წლიდან, მთელი ქვეყნის მასშტაბით ფუნქციონირებს აგროდაზღვევის სახელმწიფო პროგრამა. პროგრამის მიზანი სასოფლო-სამეურნეო საქმიანობით დაკავებული პირებისთვის შემოსავლის შენარჩუნება და რისკების შემცირებაა. სახელმწიფოს მხრიდან თანადაფინანსების წილი 70%-ს (50% ვაზის შემთხვევაში) შეადგენს. დღეის მდგომარეობით, კახეთის რეგიონში 6,230 ჰა მიწის ფართობზე დაზღვეულია 45,828,450 ლარის ღირებულების სხვადასხვა კულტურა.

რეგიონში ლაბორატორიულ მომსახურებას რვავე მუნიციპალიტეტს გურჯაანში არსებული საქართველოს სოფლის მეურნეობის სამინისტროს რეგიონული ლაბორატორია უწევს. გურჯაანის ლაბორატორიაში ჩატარებული სარემონტო სამუშაოების შედეგად, განახლებულია ინფრასტრუქტურა, ლაბორატორია აღჭურვილია თანამედროვე აპარატურით, დანერგილია სურსათისა და წყლის კვლევები, ასევე, მცენარეთა მავნე ორგანიზმების და ბრუცელოზის დიაგნოსტიკა.

სახელმწიფო პროგრამის „მევენახეობის სასოფლო-სამეურნეო კოოპერატივების ხელშეწყობა“ ფარგლებში, ყვარლის, თელავის და გურჯაანის მუნიციპალიტეტებში, 12 კოოპერაციული საწარმო შეიქმნა. პროგრამის ფარგლებში, თითოეულ მონაწილე კოოპერატივს 100 ტონა ყურძნის პირველადი გადამუშავებისთვის საჭირო აღჭურვილობა გადაეცა. პროგრამაში ჩართულობით, კოოპერატივის წევრებს საშუალება მიეცათ, რომ სარგებელი, ყურძნის რეალიზაციის გარდა, ღვინის რეალიზაციიდანაც მიიღონ.

2015-2016 წლებში ყვარელში, დედოფლისწყაროსა და გურჯაანში, ტყის ბუნებრივი განახლების ხელშეწყობის მიზნით, 30,6 ჰა ფართობზე აკაციის პლანტაციები გაშენდა.

სახელმწიფოს მიერ გატარებული სარემონტო და სარეაბილიტაციო სამუშაოების შედეგად, 2012 წლიდან დღემდე კახეთის რეგიონში დასრულდა სამელიორაციო ინფრასტრუქტურის 54 პროექტი.

შედეგად, წყალუზრუნველყოფილი სასოფლო-სამეურნეო მიწის ფართობი 14, 372 ჰეტქარია, წყალუზრუნველყოფის რეჟიმი გაუმჯობესებულია 1, 333 ჰექტარზე, მიწების დაშრობა განხორციელდა 5 724 ჰექტარზე.

კახეთის რეგიონში ფერმერებთან შეხვედრა კითხვა-პასუხის რეჟიმში გაიმართა.

წალკაში გაზის მილების გამო, კულტურული მემკვიდრეობის ობიექტები დააზიანეს

14 აგვისტო, 2020 , 17:57

წალკის მუნიციპალიტეტში კულტურული მემკვიდრეობის ობიექტები დაზიანდა- მიზეზი გაზის გყვანის სამუშაოები გახდა. ინფორმაციას და ფოტომასალას ამის შესახებ  საქართველოს ეროვნული მუზეუმის არქეოლოგიური ცენტრ

მეთხილე ფერმერები წელს 50-დან 55 ათას ტონამდე თხილის მოსავალს ელოდებიან

14 აგვისტო, 2020 , 13:20

სამეგრელოს რეგიონში თხილის მოსავლის აღება დაიწყო. გარემოს დაცვისა და სოფლის მეურნეობის მინისტრის პირველი მოადგილე, გიორგი ხანიშვილი საქართველოს თხილის მწარმოებელთა ასოციაციის თხილის საშრობში და თხილის გადამმუშავებელ საწა

საქართველოს ბანკის მხარდაჭერით სოფელ კოდაში ნუშის ბაღი გაშენდება

13 აგვისტო, 2020 , 19:06

საქართველოს ბანკი აგრომეურნეობის განვითარების ხელშეწყობას განაგრძობს. ბანკისა და შპს ნათს ჯორჯიას ერთობლივი ძალისხმევით სოფელ კოდაში ნუშის ბაღი გაშენდება. ამ ეტაპზე აქტიურად მიმდინარეობს მიწის დამუშავების სამუშაოები. თუმ

ჩვენი ფერმერების წარმოებული არც ერთი გრამი პროდუქტი დაუბინავებელი არ უნდა დარჩეს -გიორგი გახარია

13 აგვისტო, 2020 , 11:50

ჩვენ უნდა მივიღოთ გადაწყვეტილება, არასტანდარტული ვაშლის შესყიდვის 10 თეთრით სუბსიდირების შესახებ, - ამის შესახებ საქართველოს პრემიერ-მინისტრმა გიორგი გახარიამ მთავრობის სხდომაზე განაცხადა. როგორც პრემიერმა აღნიშნა, საბოლ

მთავრობა რაჭაში სტიქიის შედეგების სალიკვიდაციოდ 45 მილიონამდე ლარს გამოყოფს

13 აგვისტო, 2020 , 11:50

რეალურად, სტიქიის მასშტაბიდან გამომდინარე, როგორც ჩანს კაპიტალური ინფრასტრუქტურის სრულფასოვან აღდგენას დასჭირდება დრო, დაახლოებით 2021 წლის გაზაფხულამდე, - ამის შესახებ საქართველოს პრემიერ-მინისტრმა მთავრობის დღევანდელ ს

ზემო იმერეთი-რაჭის გზაზე შქმერი-ზუდალის მონაკვეთის რეაბილიტაცია გრძელდება

13 აგვისტო, 2020 , 11:10

ზემო იმერეთი-რაჭის დამაკავშირებელი საავტომობილო გზის შქმერი-ზუდალის 7.7 კმ-იანი მონაკვეთის (კმ40,9-კმ48,6) რეაბილიტაცია აქტიურ ფაზაშია და ამ ეტაპზე, მიუხედავად რაჭაში განვითარებული სტიქიური მოვლენებისა, ასფალტ-ბეტონის სა

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე