პოლიტიკა

ლევან გოგიჩაიშვილი პარლამენტს მოუწოდებს იმ ბრალდებებით დაინტერესდეს, რომელიც ეროვნული გვარდიის უფროსის მოადგილის თანამდებობაზე დანიშნული კობა ახვლედიანის მიმართ არსებობს

„ქართული ოცნების“ დეპუტატი ლევან გოგიჩაიშვილი პარლამენტს მოუწოდებს იმ ბრალდებების საკითხით დაინტერესდეს, რომელიც ეროვნული გვარდიის უფროსის მოადგილის თანამდებობაზე დანიშნული კობა ახვლედიანის მიმართ არსებობს.

როგორც გოგიჩაიშვილმა პარლამენტის ბიუროს სხდომაზე განაცხადა, საუბარია მალხაზ არქანიას მიმართ ჩადენილ წამებასა და არაადამიანურ მოპყრობაზე.

დეპუტატის შეფასებით, ასეთი ბრალდების “ჰაერში გამოკიდება“ პირველ რიგში, ჯარს აყენებს უხერხულ მდგომარეობაში.

გოგიჩაიშვილი პარლამენტის ბიუროს სხდომაზე აღნიშნულ საკითხთან დაკავშირებით მოკვლევის განხორციელების წინადადებით გამოვიდა.

„ბრალდებები, რაც ისმის, წამებსა და არადამიანურ მოპყრობას ეხება. ამაზე პასუხი გაცემა არის საჭირო. ეს არის მგრძნობიარე თემა“, - განაცხადა ლევან გოგიჩაიშვილმა.