პოლიტიკა

ლუსტრაციის კანონი! სასწრაფოდ! ... იმისთვის, რომ დაერქვას ყველაფერს თავისი სახელი - ლევან კობერიძე

საპარლამენტო უმრავლესობის წევრ ლევან კობერიძის განცხადებით, ის აპირებს ლუსტრაციის შესახებ კანონპროექტის ინიცირებას. დეპუტატმა თავის კოლეგებს ამ ინიციატივის მხარდაჭერისკენ მოუწოდა.

„ლუსტრაციის კანონი !!! სასწრაფოდ !!!

იმისათვის, რომ საქართველოს პოლიტიკურ ცხოვრებაში საბოლოოდ დავემშვიდობოთ საბჭოთა წარსულს, იმისათვის, რომ დაერქვას ყველაფერს თავისი სახელი, იმისათვის, რომ მომავალ თაობებმა შეძლონ უკეთესი საქართველო შენება, იმისათვის, რომ ქვეყანამ იაროს პროგრესის გზით, პარლამენტში ვაპირებ, ინიცირება გავუკეთო კანონპროექტს ლუსტრაციის შესახებ - მივმართავ კოლეგა დეპუტატებს შემომიერთდნენ და ერთად გადავდგათ ეს ნაბიჯი“, - დაწერა კობერიძემ ფეისბუკის საკუთარ გვერდზე.