უკან

დღის კალენდარი

ანონსები

არქივი

სამართალი

23 აპრილი, 2018 14:10
font-size

მაჩალიკაშვილის განცხადებები უკვე ძალზედ საშიში და კანონსაწინააღმდეგო ხდება - ნიკოლოზ მჟავანაძე

მტერსაც არ ვუსურვებ შვილის დაკარგვას, მაგრამ მალხაზ მაჩალიკაშვილის განცხადებები უკვე ძალზედ საშიში და კანონსაწინააღმდეგო ხდება. ჯერ საქართველოს პანკისის ხეობის დაკარგვით დაიმუქრა, ახლა საქართველოს წინააღმდეგ დანაშაული ჩადენა არ გამორიცხა. ცოტა მეტისმეტი ხომ არაა, - განაცხადა ,,უფლებადამცველთა გაერთიანების’’ თავმჯდომარემ ნიკოლოზ მჟავანაძე 21 აპრილს კურიერ P.S.-ში მალხაზ მაჩალიკაშვილის სკანდალური განცხადების შეფასებისას.

,,ჯერ იყო და ორი თვის წინ მალხაზ მაჩალიკაშვილმა საქართველოსთვის პანკისის ხეობის დაკარგვა დაანონსა, შემდეგ ხელისუფლების მაღალი რანგის მოხელეების და მათი ოჯახების მიმართ მუქარა განახორციელა, ორიოდ დღის წინ კი რუსთავი 2-ზე ქვეყნის წინააღმდეგ დანაშაულის ჩადენაც არ გამორიცხა . ამგვარი ქმედებები საფრთხეს უქმნის ქვეყნის სტაბილურობას და წარმოადგენს სისხლის სამართლის დანაშაულის შემცველ ქმედებებს და დღეს თუკი ამ სიტყვებისთვის ის პასუხისგებაში არ ეძლევა, ამის ერთადერთი ახსნა ისაა რომ როგორც ყველა, გამოძიებაც შედის მალხაზ მაჩალიკაშვილის მდგომარეობაში შვილის დაღუპვის გამო.

საქართველოს ნამდვილად არაფერი დაუშავებია პანკისის ხეობის მკვიდრისთვის რომ ხან ხეობის საქართველოდან გამოყოფა და ქვეყნის წინააღმდეგ დანაშაულის ჩადენა დაგეგმოს. აბსურდის თეატრს ემსგავსება ასევე ის ბრალდებებიც რომელსაც მალხაზ მაჩალიკაშვილი დროდადრო აჟღერებს:

1. ორიოდ დღის წინ რუსთავი 2-ის ეთერში ახალი ვერსია შესთავაზა საზოგადოებას მალხაზ მაჩალიკაშვილმა. განაცხადა რომ სპეცოპერაციისას მის და მისი დედის მიმართ იარაღით ღირსებაშემლახველი ქმედება ჩაიდინეს. სპეცოპერაციის დროს იმყოფებოდა ოჯახის თითქმის ყველა წევრი, შემდგომ თემირლანის ინტერესების დამცველად წარმოგვიდგა ასევე რამდენიმე ადვოკატი და ხუთი თვის მანძილზე არავის მსგავსი ფაქტის შესახებ არ უსაუბრია.

2. ასევე ნაკლებად სარწმუნოა ის განცხადებაც თითქოს სახლი აერიათ სპეცრაზმელებს, რადგან როგორც ირკვევა როგორც სახლის ჩხრეკაზე ასევე სხვა საგამოძიებო მოქმედებებზე წინასწარ იქნა აღებული სასამართლოს განჩინება.

3. დაცვის მხარის მიერ პოზიციების ცვლილებაც ძალზე დამაფიქრებელია, ჯერ იძახდნენ თემირლან მაჩალიკაშვილს ეძინაო, მერე თქვეს მობილური ეჭირაო და მესიჯობდაო, ბოლოს ალბათ მივლენ იმ ვერსიამდეც რომელსაც გამოძიება ამტკიცებს რომ თემირლანს ხელში ხელყუმბარა ეჭირა.

4. თურმე ხუთი თვის შემდეგ გაიხსენა ოჯახმა, რომ სუსის უფროსის მოადგილე სოსო გოგაშვილი სპეცოპერაციაზე იმყოფებოდა პანკისის ხეობაში მაჩალიკაშვილის ლიკვიდაციის დროს. დაბალი, ქურთუკში ჩაცმული კაცი ეხლა გაიხსენა ოჯახმა. ისე რუსთავი 2 -ის კადრებიდანაც ჩანს რომ სოსო გოგაშვილი ნამდვილად არა დაბალი, ის ქურთუკი საინტერესოა კიდევ რა მახასიათებელით ამოიცნეს ალბათ ქურთუკზე ეწერა სოსო გოგაშვილის ინიციალები. გაუგებარია რით უნდა აიხსნას ხუთი თვის თავზე ამ აბსურდული ვერსიის წამოწევა.

გასაგებია, რომ ძალზედ რთულ მდგომარეობაში იმყოფება დღეს მალხაზ მაჩალიკაშვილი, მაგრამ უპრიანია ის დაელოდოს გამოძიების დასრულებას მითუმეტეს საგამოძიებო მოქმედებები ინტენსიურ რეჟიმში მიმდინარეობს და სავარუდოდ ყველაფერს ნათელი მალე უნდა მოეფინოს. ის განცხადებები კი რომელიც ისმის მისგან არც თავად მას და არც გარდაცვლილს ნამდვილად არ წაადგება“, - განაცხადა ნიკოლოზ მჟავანაძემ თემირლან მაჩალიკაშვილის საქმესთან დაკავშირებით.

სახელმწიფო ინსპექტორმა პერსონალური მონაცემების გამავრცელებელი ბავშვის ინტერესების დამრღვევი ადვოკატი სამართალდამრღვევად ცნო - „ახალგაზრდა ადვოკატები“

9 ივლისი, 2020 , 17:20

სახელმწიფო ინსპექტორის სამსახურმა არასრუწლოვანის და მისი ოჯახის შესახებ პერსონალური მონაცემების უკანონოდ გამავრცელებელი ადვოკატი ლ. კ. სამართალდამრღვევად ცნო და ადმინისტრაციული სახდელის სახით - 500 ლარით დააჯარიმა. აღნიშ

გიორგი შაქარაშვილის საქმის ერთ-ერთი ფიგურანტის მობილურში შენახული აღმოჩნდა პირადი ცხოვრების ამსახველი ინფორმაცია, რისი შესწავლაც ცალკე წარმოებად გამოიყო - პროკურატურა

9 ივლისი, 2020 , 16:30

გენერალური პროკურატურის ინფორმაციით, გიორგი შაქარაშვილის საქმესთან დაკავშირებით, საქართველოს შინაგან საქმეთა სამინისტროს წარმოებაში არსებულ სისხლის სამართლის საქმეზე ჩატარებული კომპიუტერულ-ტექნიკური ექსპერტიზის შედეგად,

შინაგან საქმეთა სამინისტრო გიორგი შაქარაშვილის საქმესთან დაკავშირებით განცხადებას ავრცელებს

9 ივლისი, 2020 , 15:00

შინაგან საქმეთა სამინისტრო გიორგი შაქარაშვილის საქმესთან დაკავშირებით განცხადებას ავრცელებს. „მაღალი საზოგადოებრივი ინტერესიდან გამომდინარე გაცნობებთ, რომ ერთ-ერთ მედიასაშუალებაში გავრცელებულ კადრებში ნაჩვენები მოქ

გენერალურმა პროკურატურამ ჯგუფის მიერ განსაკუთრებით დიდი ოდენობით უკანონო შემოსავლის ლეგალიზაციის ფაქტი გამოავლინა

9 ივლისი, 2020 , 11:55

საქართველოს გენერალურმა პროკურატურამ, შინაგან საქმეთა სამინისტროსთან ერთობლივი თანამშრომლობით, ჯგუფის მიერ განსაკუთრებით დიდი ოდენობით უკანონო შემოსავლის ლეგალიზაციის ფაქტი გამოავლინა. პროკურატურის ინფორმაციით, გამოძიები

მამისა და ბაბუის მკვლელობაში ბრალდებული მუხრანში დააკავეს

9 ივლისი, 2020 , 10:30

შინაგან საქმეთა სამინისტროს მცხეთა-მთიანეთის პოლიციის დეპარტამენტის დეტექტივების სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1992 წელს დაბადებული, წარსულში სხვადასხვა დანაშაულისთვი

თელავის საკრებულოს წევრი მიხეილ გრემელაშვილი, ოჯახში ძალადობის ბრალდებით დააკავეს

9 ივლისი, 2020 , 10:30

თელავის საკრებულოს წევრი, რომელსაც ოჯახში ძალადობას ედავებიან, დაკავებულია. მიხეილ გრემელაშვილის საცხოვრებელი სახლიდან "კალაშნიკოვის" სისტემის უკანონოდ შენახული ცეცხლსასროლი იარაღიც ამოიღეს. შსს-ს ინფორმაციით, საქმე ოჯახ

პირდაპირი TV

daily calendar

ვიდეო გალერეა

ამ პარტიაში ვარ პოლიტიკური ლიდერი, ვფიქრობ პოლიტიკური ლიდერობით აქედან უფრო მივაწვდენ ხმას ყველას, ვიდრე ვყოფილიყავი დიდი გაერთიანების ერთერთი წევრი - ნატო ჩხეიძე